ధర్మవరం రైల్వేస్టేషన్ సమీపంలో మహారాష్ట్రవాసి మృతి

అనంతపురం జిల్లా ధర్మవరం రైల్వే స్టేషన్ ఆవరణంలో మహారాష్ట్రకు చెందిన దత్తు యశ్వంత్ ఆబాద్​గిరి అనే ప్రయాణికుడు మృతి చెందాడు. మృతుడి సంబంధికుల ఫోన్ నెంబర్లు లేకపోవడంతో పోలీసులు ఎవరికీ సమాచారం అందించలేకపోయారు.

అనంతపురం జిల్లా ధర్మవరం రైల్వే స్టేషన్ సమీపంలో మహారాష్ట్రకు చెందిన దత్తు యశ్వంత్ ఆబాద్​గిరి అనే ప్రయాణికుడు మృతి చెందాడు. రెండు రోజుల క్రితం రైలులో వచ్చిన మహారాష్ట్ర వాసి స్టేషన్ సమీపంలోనే ఉండేవాడని స్థానికులు పేర్కొన్నారు. రైల్వే స్టేషన్ బయట ఫుట్​పాత్​పై పడుకొని ఉన్న వ్యక్తి మృతి చెందిన విషయం స్థానికులు ధర్మవరం పట్టణ పోలీసులకు తెలిపారు. పోలీసులు మృతదేహాన్ని పరిశీలించి...మహారాష్ట్రలోని సోలాపూర్ జిల్లా ఉప్పల్​కి చెందిన వ్యక్తిగా గుర్తించారు. మృతుని వద్ద బంధువులకు సంబంధించిన ఫోన్ నెంబర్లు లేకపోవడంతో సమాచారాన్ని బంధువులకు చేరవేయలేకపోయారు. మృతదేహాన్ని పోస్టుమార్టం నిమిత్తం ధర్మారం ప్రభుత్వ ఆస్పత్రిలో భద్రపరిచారు.

ఇదీ చదవండి:గోదావరి వరద... మళ్లీ పెరుగుతోంది