లాక్ డౌన్: త్వరలోనే వాణిజ్య సడలింపులు అమలు

లాక్​డౌన్​లో వాణిజ్య సడలింపులపై అనంతపురం జిల్లా యంత్రాంగం స్థానిక మున్సిపల్​ కార్యాలయంలో సమీక్ష సమావేశం నిర్వహించింది. రెండు రోజుల్లో దుకాణాదారులు తగు ఏర్పాట్లు చేసుకోవాలని అధికారులు తెలిపారు. ఏర్పాట్లు పర్యవేక్షించి అనుమతి ఇస్తామని తెలిపారు.

అనంతపురం జిల్లా హిందూపురంలో లాక్​డౌన్ సడలింపుల్లో వ్యాపార, వాణిజ్య కార్యకలాపాలకు అవకాశం ఇవ్వాలంటూ గత 3 రోజులుగా వచ్చిన వినతులపై అధికార యంత్రాంగం స్థానిక మున్సిపల్ కార్యాలయంలో సమీక్ష నిర్వహించింది.

రెండు రోజుల్లో వ్యాపార వాణిజ్య సముదాయాలకు సడలింపులు ఇస్తామని సబ్​ కలెక్టర్​ తెలిపారు. అయితే తగు జాగ్రత్తలు తీసుకొని దుకాణాలు నడపాలని సూచించారు. ప్రజలు తగిన జాగ్రత్తలు తీసుకొని బయటకు రావాలని కోరారు. బహిరంగ ప్రదేశాల్లో ఉమ్మి వేస్తే వెయ్యి రూపాయలు జరిమాన విధిస్తామని హెచ్చరించారు.

ఇవీ చూడండి: