హామీల అమలులో సీఎంది అగ్రస్థానం: మంత్రి

గతంలో ఏ ప్రభుత్వం చేయని సంక్షేమాన్ని సీఎం జగన్ చేస్తున్నారని మంత్రి శంకర్​నారాయణ తెలిపారు. అనంతపురంలో ఆయన మీడియాతో మాట్లాడారు.

అధికారంలోకి వచ్చిన 2 నెలల్లోనే ఎన్నికల హామీలు నెరవేర్చిన ఘనత ముఖ్యమంత్రి జగన్​కే దక్కుతుందని... బీసీ సంక్షేమశాఖ మంత్రి శంకరనారాయణ అన్నారు. ఎంపీలు గోరంట్ల మాధవ్, తలారి రంగయ్యతో కలసి అనంతపురంలో ఆయన అధికారులతో పలు అంశాలపై చర్చించారు. అనంతరం మీడియాతో మాట్లాడిన మంత్రి... చరిత్రలో ఎవరూ చేయని విధంగా ఎస్సీ, ఎస్టీ, బీసీ, మైనార్టీలకు మేలు చేకూర్చేలా బిల్లులు ప్రవేశపెట్టారని పేర్కొన్నారు.

సామాన్య మధ్యతరగతి కుటుంబాల నుంచి వచ్చిన తమను మంత్రులు, ఎంపీలు చేశారని ఉద్ఘాటించారు. బడుగుబలహీన వర్గాలకు 50శాతం రిజర్వేషన్ల బిల్లు శాసనసభలో ప్రవేశపెట్టిన ముఖ్యమంత్రిని అభినందించకుండా తెదేపా సభ్యులు గందరగోళం సృష్టించారని ధ్వజమెత్తారు. తమ ముఖ్యమంత్రి ఇచ్చిన హామీల్లో 80 శాతం ఇప్పటికే అమలు చేశామని చెప్పారు.

ఇదీ చదవండీ... తితిదే సిబ్బంది నిర్లక్ష్యం.. తెగిన బాలుడి వేలు