కరోనా కష్టకాలంలో రైల్వే రంగానికి కూడా ఆర్థిక ఇబ్బందులు తప్పడం లేదు. ఈ ఆర్థిక ఇబ్బందుల నుంచి గట్టెక్కడానికి.. అనంతపురం జిల్లా గుంతకల్లు డివిజన్ చర్యలు చేపట్టింది.
ఏడాదికి 3 కోట్ల రూపాయలను ఆదా చేసేందుకు ప్రణాళికలు రచించింది. రైల్వేై రంగానికి భారంగా మారిన విద్యుత్ కొనుగోలును బహిరంగ వేలం విధానాన్ని అవలంభించాలని నిర్ణయించింది. దీని ద్వారా ఏడాదికి 3 కోట్ల రూపాయలు ఆదా అవుతోందని అంచానా వేస్తోంది. ఇందులో భాగంగా.. కేటీపీసీఎల్ నుంచి భారతీయ రైల్వే బిజ్లి కంపెనీ లిమిటెడ్‌ సంస్థకు విద్యుత్ కొనుగోళ్లను బదలాయించారు. ఈ కంపెనీ గతంలో కంటే సుమారు యూనిట్‌ విద్యుత్‌కు 2 రూపాయల 70 పైసలు తగ్గించిందని.. అధికార వర్గాలు తెలుపుతున్నాయి.
ఇదీ చదవండి: VARLA RAMAIAH: ఆ మూడు అంశాలపైనే అమిత్ షాతో సీఎం జగన్ భేటీ: వర్ల రామయ్య
