దక్షిణ మధ్య రైల్వే జోన్లోని గుంతకల్లు డివిజన్ మీదుగా నడిచే పలు రైళ్లను రద్దు చేస్తున్నట్లు గుంతకల్లు డివిజన్ మేనేజర్ వెంకట రమణా రెడ్డి తెలిపారు. హుబ్లీ జోన్, బెంగళూర్ డివిజన్ పరిధిలోని హిందూపురం రైల్వే స్టేషన్తో పాటు మరికొన్ని స్టేషన్లలో డబుల్ లైన్ నిర్మాణ పనులు, సిగ్నలింగ్ పనుల కారణంగా.. ఆయా మార్గాల్లో నడిచే రైళ్లను ఇప్పటికే రద్దు చేశామని చెప్పారు. ప్రయాణికుల అవసరాలను దృష్టిలో ఉంచుకొని మరికొన్ని రైళ్లను దారి మళ్లించి, బళ్లారి-కడప మీదుగా నడుపుతున్నట్లు వెల్లడించారు.
ప్యాసింజర్ రైళ్లు..
ప్యాసింజర్ రైళ్లను ఈనెల 6వ తేదీ నుంచి 46 రోజులపాటు దారిమళ్లించనున్నట్టు తెలిపారు. హిందూపురం స్టేషన్ మీదుగా కాకుండా వేరే మార్గంలో నడుపుతున్నామని వెంకట రమణా రెడ్డి తెలిపారు. గుంతకల్లు-హిందూపురం, హిందూపురం-గుంతకల్లు నడిచే ప్యాసింజర్ రైళ్లను నవంబర్ 20 వరకు రద్దు చేశామని వెల్లడించారు.
ఎక్స్ప్రెస్ రైళ్లు..
బెంగళూరు కంటోన్మెంట్ -హిందూపురం, హిందూపురం-బెంగళూరు కంటోన్మెంట్, యశ్వంత్పూర్-హిందూపురం, హిందూపురం-యశ్వంత్పూర్, మార్గాలలో నడిచే పలు ఎక్స్ప్రెస్ రైళ్లను కూడా దారి మళ్లించి నడుపుతున్నట్టు చెప్పారు. హిందూపురం మీదుగా నడిచే ఎక్స్ప్రెస్ రైళ్లను.. నవంబర్ 8 నుంచి రద్దు చేస్తున్నామని తెలిపారు. రెండు నుంచి నాలుగు రోజులపాటు ఈ రైళ్లు నిలిచిపోతాయని చెప్పారు. ఈ మార్గాల్లో నడిచే మరికొన్ని రైళ్లను.. బళ్లారి-కడప మార్గాలకు మళ్లించి, ప్రయాణికులకు ఇబ్బందులు కలగకుండా చర్యలు తీసుకుంటామని డీఆర్ఎం వెంకట రమణా రెడ్డి తెలిపారు.
ఇదీ చదవండి: Student Suicide : రైలు కిందపడి విద్యార్థి ఆత్మహత్య...
