అనంతపురం జిల్లా గుంతకల్లు మండలం కసాపురంలోని ఓ రైతు పొలంలో నూర్పిడికి సిద్ధంగా ఉన్న వేరుశనగ పంటను దుండగులు నిప్పు పెట్టి పరారయ్యారు. గ్రామానికి చెందిన రమేష్కు 10 ఎకరాల మెట్ట భూమి ఉంది. హంద్రీనీవా జలాలు పొలం పక్కనే ప్రవహిస్తుండటం వల్ల వేరుశనగ, వరి పంటలను సాగు చేస్తున్నారు. పండిన వేరుశనగ పంటను నూర్పిడి కోసం కుప్పగా వేశారు. దుండగులు దానికి నిప్పు పెట్టగా అంతా దగ్ధమైంది. దాంతో రైతు కన్నీటి పర్యాంతమయ్యారు.
ఊరు వదిలి వెళ్లిపోతాం
ఆరేళ్లుగా పంట నూర్పిడి సమయంలో గుర్తు తెలియని దుండగలు ఇలాగే నష్టం కలిగిస్తున్నారని రైతు వాపోయారు. పోలీసులను ఆశ్రయించినా ఫలితం లేకుండాపోయిందని ఆవేదన వ్యక్తం చేశారు. పరిస్థితి ఇలాగే కొనసాగితే కుటుంబంతో సహా ఊరు వదిలి పోవాల్సి వస్తుందని తెలిపారు. ఇప్పటికైనా అధికారులు తగిన చర్యలు చేపట్టాలని కోరారు.
ఇదీ చదవండి:
