ఇసుక బస్తాలు మోసిన మాజీ మంత్రి.. ఎందుకంటే..!

మాజీ మంత్రి ఇసుక బస్తాలు మోశారు. గ్రామస్థులతోపాటు కలిసి కష్టపడ్డారు. ఇంతకీ ఎవరో తెలుసా ఆయన... మాజీ మంత్రి, కాంగ్రెస్ పార్టీ సీనియర్ నేత, పీసీసీ అధ్యక్షుడు రఘువీరారెడ్డి. ఎందుకు మోశాడు అనుకుంటున్నారా?

అనంతపురం జిల్లా మడకశిర మండలం గంగులవాయిపాళ్యం గ్రామ చెరువుకు నిన్న గండి పడింది. విషయం తెలుసుకున్న గ్రామస్థులు అధికారులకు ఫిర్యాదు చేసి.. గండిని పూడ్చేందుకు ప్రయత్నించారు. అలా చేస్తుండగా రాత్రి అయింది. ఉదయం పూడ్చాలని వెనుదిరిగారు. ఉదయం గండి ప్రవాహం ఎక్కువైంది. విషయం తెలుసుకున్న రఘువీరారెడ్డి గ్రామస్థుల సహకారంతో గండి పూడ్చేందుకు ఇసుక బస్తాలు మోశారు.

గండిపడే అవకాశం ఉందని ఊహించి గతంలో అధికారులకు ఫిర్యాదు చేశామని గ్రామస్థులు తెలిపారు. స్పందించి ఉంటే ఇప్పుడు ఈ సమస్య వచ్చేది కాదని పేర్కొన్నారు. గండి ప్రవాహం ఇలానే కొనసాగితే రెండు, మూడు గ్రామాలు ముంపునకు గురయ్యే అవకాశం ఉందని ఆవేదన వ్యక్తం చేశారు. ఇప్పటికైనా అధికారులు స్పందించి యుద్ధ ప్రాతిపదికన చర్యలు చేపట్టాలని గ్రామస్థులు కోరుతున్నారు.

ఇదీ చదవండి:వైఎస్‌ను రాజకీయ నాయకుడిగా చూడటం లేదు: రఘువీరారెడ్డి