విద్యుదాఘాతంతో 11ఏళ్ల బాలుడు మృతి

బోరు వద్దనున్న పైపులను తాకి విద్యుదాఘాతానికి గురి కావడంతో 11 ఏళ్ల బాలుడు మృతి చెందిన ఘటన అనంతపురం జిల్లాలో జరిగింది.

గ్రామ పంచాయతీ అధికారుల నిర్లక్ష్యం పసివాడి ప్రాణాన్ని బలి తీసుకుంది. అనంతపురం జిల్లా ముదిగుబ్బ మండలం మదన్నగారిపల్లిలోని గ్రామ పంచాయతీ బోరు బావి వద్ద పైపులకు మూడు మాసాలుగా విద్యుత్ సరఫరా అవుతోంది. ఈ విషయాన్ని ఏ ఒక్కరూ పట్టించుకోలేదు. ఈ క్రమంలో గ్రామానికి చెందిన బాలాజీ (11) స్నేహితులతో కలిసి ఆడుకుంటుండగా బోరు వద్దనున్న ఇనుప పైఫులను తాకాడు. విద్యుదాఘాతానికి గురి కావటంతో బాలుడు మృతి చెందాడు. దీంతో గ్రామంలో విషాదఛాయలు అలుముకున్నాయి.

ఇదీ చదవండి