రాయదుర్గం నియోజకవర్గంలో సంపూర్ణ లాక్​డౌన్​

అనంతపురం జిల్లా రాయదుర్గం నియోజకవర్గంలో నేడు అధికారులు సంపూర్ణ లాక్​డౌన్​ అమలు చేశారు. కేవలం అత్యవసరమైన సేవలకు మాత్రమే తెరచి ఉంచేందుకు అనుమతినిచ్చారు.

అనంతపురం జిల్లా రాయదుర్గం పట్టణంతో పాటు నియోజకవర్గంలో ఆదివారం సంపూర్ణ లాక్​డౌన్​ అమలు చేశారు. శనివారం మధ్యాహ్నం 12 గంటల నుంచి సోమవారం ఉదయం 6 గంటల వరకు 42 గంటల పాటు పోలీసులు కర్ఫ్యూ విధించారు. అత్యవసర వైద్య సేవలు, పాలు, పెరుగు, పెట్రోల్ బంకులు మినహా అన్ని దుకాణాలు, వ్యాపార సంస్థలు మూతపడ్డాయి.

లాక్​డౌన్​ వల్ల నియోజకవర్గంలో ఆర్టీసీ బస్సులు డిపోకే పరిమితమయ్యాయి. కరోనా విజృంభిస్తున్న వేళ ప్రజలందరూ బయటకు రావద్దని ఇళ్లలోనే ఉండాలని పోలీసులు విజ్ఞప్తి చేశారు. రాయదుర్గం, కనేకల్, బొమ్మనహల్, డి హిరేహాల్, గుమ్మగట్ట మండలాల్లో సంపూర్ణ లాక్​డౌన్​ అమలు చేశారు. రాయదుర్గం రూరల్ సీఐ రాజా ఆధ్వర్యంలో దీనిని పకడ్బందీగా అమలు చేస్తున్నారు.

ఇవీ చదవండి: