'పథకాల అమలుతీరు తెలుసుకునేందుకు.. తండాకు వెళ్లిన కలెక్టర్'

ప్రభుత్వం అమలుచేస్తోన్న సంక్షేమ పథకాలు లబ్ధిదారుడి అందించాలన్నదే ప్రభుత్వ లక్ష్యమని అనంతపురం కలెక్టర్ గంధం చంద్రుడు అన్నారు. మంగళవారం రాత్రి ఆయన రామదాసునాయక్​ తండాకు వెళ్లారు.

సంక్షేమపథకాలు క్షేత్రస్థాయిలో అమలుతీరును తెలుసుకునేందుకు జిల్లాలోని మారుమూల గ్రామమైన కదిరి మండలం ఎర్రదొడ్డి పంచాయతీ పరిధిలోని రామదాసునాయక్ తండాను కలెక్టర్ గంధం చంద్రుడు సందర్శించారు. వ్యవసాయ, ఇతర పనుల నిమిత్తం బయటకు వెళ్లే తండావాసులు అందుబాటులో ఉండే సమయంలోనే తండాకు రావాలనే ఉద్దేశంతో రాత్రి వచ్చినట్లు ఆయన చెప్పారు. ప్రతి ఇంటికి వెళ్లి ప్రభుత్వ పథకాలు అమలు తీరు, ప్రజల సమస్యలు తెలుసుకున్నారు.