అంతర్జాతీయ టీ20ల్లో అత్యంత వేగంగా 1000 పరుగులు పూర్తి చేసుకున్న కెప్టెన్గా (Fastest 1000 Runs in T20 as Captain) నిలిచాడు పాకిస్థాన్ స్టార్ బాబర్ అజామ్ (Babar Azam News). టీ20 ప్రపంచకప్లో భాగంగా (T20 World Cup 2021) శుక్రవారం అఫ్గానిస్థాన్తో మ్యాచ్ సందర్భంగా చేసిన అర్ధశతకంతో అతడు ఈ ఘనత సాధించాడు. దీంతో టీమ్ఇండియా సారథి విరాట్ కోహ్లీ (30 మ్యాచుల్లో వెయ్యి పరుగులు) పేరిట ఉన్న రికార్డును (Virat Kohli Records) బ్రేక్ చేశాడు. 26 ఇన్నింగ్స్ల్లోనే బాబార్ ఈ మైలురాయిని చేరుకున్నాడు.
ఈ ఏడాది తొలినాళ్లలో అంతర్జాతీయ టీ20ల్లో అత్యంత వేగంగా 2000 పరుగులు పూర్తి చేసుకున్న బ్యాటర్గా నిలిచాడు బాబార్ (Fastest 2000 Runs in T20 International). అంతకుముందు ఈ రికార్డు కూడా కోహ్లీ పేరిటే ఉండేది. 56 ఇన్నింగ్స్ల్లో కోహ్లీ ఈ మైలురాయికి చేరుకుంటే.. 52 మ్యాచుల్లోనే బాబర్ (Babar Azam Record) దానిని అధిగమించాడు.
రికార్డులను బ్రేక్ చేయడమే పనిగా..
ఈ నేపథ్యంలో బాబర్ను (Babar Azam News) ప్రశంసిస్తూ ఆసక్తికర వ్యాఖ్యలు చేశాడు టీమ్ఇండియా మాజీ బ్యాటర్ ఆకాశ్ చోప్రా. కోహ్లీ రికార్డులను బ్రేక్ చేయడం బాబార్ అలవాటుగా చేసుకున్నాడని కొనియాడాడు.
"కోహ్లీని బాబార్ ఛేజ్ చేస్తున్నట్లు అనిపిస్తుంది. విరాట్ ఏదైనా రికార్డును సృష్టిస్తే దానిని అధిగమించడానికి వెనుకే వస్తున్నాడు. అతడు ఎంతో అద్భుతంగా ఆడుతున్నాడు."
- ఆకాశ్ చోప్రా, టీమ్ఇండియా మాజీ క్రికెటర్
సెమీస్కు చేరువైన పాక్..
శుక్రవారం జరిగిన ఈ మ్యాచ్లో (Pak Vs Afg T20) అఫ్గాన్పై 5 వికెట్ల తేడాతో విజయం సాధించింది పాక్. అఫ్గానిస్థాన్ నిర్దేశించిన 148 పరుగుల లక్ష్యాన్ని ఐదు వికెట్లు కోల్పోయి 19 ఓవర్లలోనే ఛేదించింది. బాబర్ అజామ్ (51; 47 బంతుల్లో 4 ఫోర్లు) కెప్టెన్ ఇన్నింగ్స్ ఆడాడు. ఫకార్ జమాన్ (30), షోయబ్ మాలిక్‌ (19) ఫర్వాలేదనిపించారు. 19వ ఓవర్‌లో ఆసిఫ్‌ అలీ (25) నాలుగు సిక్స్‌లు బాది పాక్‌కు విజయాన్ని అందించాడు. అఫ్గాన్ బౌలర్లలో రషీద్‌ఖాన్‌ రెండు, ముజీబుర్, నబీ, నవీన్ ఉల్ హక్‌ తలో వికెట్ తీశారు. దీంతో పాటు ఇదివరకే టీమ్ఇండియా, న్యూజిలాండ్పై వరుస విజయాలతో దూసుకెళ్తున్న పాక్.. సెమీస్కు మరింత చేరువైంది.
ఇవీ చూడండి:
చరిత్ర తిరగరాసిన బాబర్ ఆజామ్.. తండ్రి కన్నీటి పర్యంతం
T20 world cup 2021: కెప్టెన్స్ కోహ్లీ-బాబర్ రికార్డ్స్ ఇవే
