రొనాల్డో, మెస్సి.. ప్రస్తుత తరం ఫుట్‌బాల్‌ ఆటగాళ్లలో దిగ్గజాలు. ఈ ఇద్దరిలో ఎవరు ఆల్‌టైమ్‌ అత్యుత్తమ ఆటగాడు అనే చర్చ కొనసాగుతూనే ఉంది. ఈ నేపథ్యంలో రొనాల్డో నెలకొల్పిన ఓ రికార్డును మెస్సి బద్దలుకొట్టాడు. అయితే అది మైదానంలో కాదు.. ఇన్స్టాగ్రామ్లో. ఇటీవల కోపా అమెరికా టోర్నీలో అర్జెంటీనాను విజేతగా నిలిపిన మెస్సి.. ఆ ట్రోఫీతో దిగిన ఫొటోను ఇన్స్టాగ్రామ్లో పోస్ట్ చేసిన సంగతి తెలిసిందే. ఇప్పుడీ ఫొటోకు 2 కోట్లకు (20 మిలియన్లకు) పైగా లైక్లు వచ్చాయి. దీంతో ఇన్స్టాగ్రామ్లో ఓ అథ్లెట్ పోస్టు చేసిన ఫొటోకు అత్యధిక లైకుల రికార్డు మెస్సి సొంతమైంది.
గతంలో డీగో మారడోనా మరణించినపుడు నివాళిగా ఆయనతో దిగిన ఫొటోను రొనాల్డో పోస్ట్ చేయగా.. ఇప్పటివరకూ దానికి కోటి 98 లక్షలకు (19.8 మిలియన్లు) పైగా లైక్లు వచ్చాయి. ఇప్పుడా రికార్డును మెస్సి ఫొటో వెనక్కినెట్టింది. కోపా అమెరికా ఫైనల్లో బ్రెజిల్‌పై అర్జెంటీనా విజయం సాధించిన సంగతి విదితమే. ఈ విజయంతో మెస్సి తన కెరీర్‌లోనే తొలిసారిగా జాతీయ జట్టు తరపున అంతర్జాతీయ ట్రోఫీ సొంతం చేసుకున్నాడు.
ఈ టోర్నీలో నాలుగు గోల్స్‌తో జట్టు గెలుపులో కీలక పాత్ర పోషించిన అతను 'ప్లేయర్‌ ఆఫ్‌ ది టోర్నీ'గా నిలిచాడు. మరోవైపు బార్సిలోనా క్లబ్బుతో మెస్సి మరోసారి కొత్తగా అయిదేళ్ల పాటు ఒప్పందం చేసుకునే అవకాశముంది.
ఇవీ చదవండి:
