Wicket Keeper Highest Score vs Pakistan : ప్రస్తుత మేటి క్రికెట్ జట్లలో పాకిస్థాన్ ఒకటి. నాణ్యమైన పేస్ బౌలింగ్ పాక్ సొంతం. ఇప్పుడున్న జట్టులో హరీస్ రౌఫ్, షహీన్ అఫ్రిదీ, షాదాబ్ ఖాన్తో ఆ జట్టు బౌలింగ్ దళం పటిష్ఠంగా ఉంది. పసికూన అఫ్గానిస్థాన్తో జరిగిన మూడు మ్యాచ్ల వన్డే సిరీస్ను పాక్ 3-0 తేడాతో.. క్లీన్స్వీప్ చేసింది. ఈ సిరీస్లో అఫ్గాన్ మూడు మ్యాచ్ల్లో భంగపడ్డప్పటికీ.. ఆ జట్టులో ఓ యువ బ్యాటర్ సంచలన ఇన్నింగ్స్తో అదరగొట్టాడు. అతడే రహ్మానుల్లా గుర్బాజ్.
21 ఏళ్ల ఈ బ్యాటర్ రెండో మ్యాచ్లో పాక్పై 100 స్ట్రైక్ రేట్తో 151 పరుగులు చేసి ఔరా అనిపించాడు. ఈ క్రమంలో పాక్పై అత్యధిక పరుగులు చేసిన వికెట్కీపర్గా గుర్బాజ్ నిలిచాడు. ఇదివరకు ఈ రికార్డు టీమ్ఇండియా మాజీ కెప్టెన్ మహేంద్ర సింగ్ ధోనీ పేరిట ఉండేది. తాజాగా ఆ రికార్డును గుర్బాజ్ తన సూపర్ ఇన్నింగ్స్తో బద్దలుకొట్టాడు. మరి పాకిస్థాన్పై ఇప్పటివరకు అత్యధిక పరుగులు చేసిన వికెట్ కీపర్లు ఎవరో తెలుసుకుందాం.
1. రహ్మానుల్లా గుర్బాజ్..
Rahmanullah Gurbaz vs Pakistan : పాకిస్థాన్ - అఫ్గానిస్థాన్ మధ్య మూడు వన్డే మ్యాచ్ల సిరీస్లో భాగంగా.. ఆఫ్గాన్ బ్యాటర్ రహ్మానుల్లా గుర్బాజ్ 151 పరుగులు చేసి ఈ లిస్ట్లో ఫస్ట్ప్లేస్లో కొనసాగుతున్నాడు.
2. ఎం ఎస్ ధోనీ..
MS Dhoni vs Pakistan : టీమ్ఇండియా మాజీ కెప్టెన్ ఎం ఎస్ ధోనీ 2005లో జరిగిన మ్యాచ్లో దుమ్ముదులిపాడు. ఏకంగా 123 బంతుల్లో 148 పరుగులు చేసి సత్తా చాటాడు. దాదాపు 18 ఏళ్లుగా ధోనీ పేరిట ఉన్న ఈ రికార్డును గుర్బాజ్ తాజాగా బద్దలుకొట్టాడు.
3. బ్రెండన్ మెకల్లమ్..
Brendon Mccullum vs Pakistan : న్యూజిలాండ్ మాజీ ప్లేయర్ బ్రెండన్ మెకల్లమ్.. పాక్తో అబుదాబిలో జరిగిన మ్యాచ్లో 131 పరుగులు చేశాడు. ప్రస్తుతం ఈ జాబితాలో మూడో స్థానంలో ఉన్నాడు మెకల్లమ్.
4. ఏ బీ డివిలియర్స్.. Ab De Villiers vs Pakistan : 2013లో సౌతాఫ్రికా, పాక్ మధ్య జరిగిన వన్డేలో ఈ మిస్టర్ 360 ఆటగాడు డివిలియర్స్.. 128 పరుగులు సాధించాడు.
5. జానీ బెయిస్ట్రో..
Bairstow vs Pakistan : 2019లో ఇంగ్లాండ్ పాక్తో తలపడింది. ఈ మ్యాచ్లో తొలుత బ్యాటింగ్ చేసిన పాక్.. 358 భారీ స్కోర్ సాధించింది. అనంతరం ఛేజింగ్కు దిగిన ఇంగ్లాండ్.. బెయిస్ట్రో తుపాన్ ఇన్నింగ్స్ (93 బంతుల్లో 128 పరుగులు) తో 31 బంతులు మిగిలుండగానే విజయం సాధించింది. ఇక ఈ జాబితాలో బెయిస్ట్రో ఐదో స్థానంలో ఉన్నాడు.
