Virat Kohli Elite List: వెస్టిండీస్తో జరగనున్న రెండో వన్డేతో భారత మాజీ సారథి విరాట్ కోహ్లీ మరో ఘనత సాధించనున్నాడు. గత రెండేళ్లుగా అన్ని ఫార్మాట్లలో సెంచరీ చేయలేకపోతున్న విరాట్.. ఈ మ్యాచ్ ఆడితే సెంచరీ మైలురాయిని అందుకుంటాడు. అదెలా అంటారా?
విండీస్తో బుధవారం జరిగే రెండో వన్డే.. కోహ్లీకి స్వదేశంలో 100వ వన్డే. ఇప్పటివరకు 258 వన్డే మ్యాచ్లు ఆడిన ఈ భారత మాజీ సారథి స్వదేశంలో 99 వన్డేలు ఆడాడు. విండీస్తో రెండో వన్డే ఆడితే.. ఈ ఫార్మాట్లో స్వదేశంలో 100కుపైగా వన్డేలు ఆడిన 36వ క్రికెటర్గా ఘనత సాధించనున్నాడు.
భారత్ నుంచి ఇప్పటికే మాస్టర్ బ్లాస్టర్ సచిన్ తెందుల్కర్(164), మహేంద్ర సింగ్ ధోనీ(127), అజహరుద్దీన్(113), యువరాజ్ సింగ్ (108) స్వదేశంలో 100కుపైగా వన్డేలాడారు.
1000వ వన్డేలో రికార్డు..
విండీస్తో జరిగిన తొలి వన్డే.. భారత్కు 1000వ వన్డే మ్యాచ్ కావడం విశేషం. ఏ జట్టూ ఇన్ని మ్యాచ్లు ఆడలేదు. ఈ మ్యాచ్లోనే అంతర్జాతీయ వన్డేల్లో సొంతగడ్డపై 5 వేలకుపైగా పరుగులు చేసిన బ్యాట్స్మెన్ జాబితాలో చేరాడు విరాట్. ఈ రికార్డు నెలకొల్పిన నాలుగో బ్యాట్స్మెన్గా నిలిచాడు.
అగ్రస్థానంలో సచిన్ తెందుల్కర్ ఉన్నాడు. సచిన్.. 48.11 సగటుతో 6976 పరగులు చేశాడు. ఆ తర్వాత స్థానాల్లో రికీ పాంటింగ్ (ఆస్ట్రేలియా) 5521 పరుగులు- 39.71 సగటు, కల్లీస్ (దక్షిణాఫ్రికా) 5186 పరుగులు- 45.89 సగటుతో నిలిచారు. సగటు(60.17)లో విరాట్ కోహ్లీనే అగ్రస్థానంలో ఉన్నాడు. సొంతగడ్డపై అత్యంత వేగంగా 5వేల పరుగులు చేసిన ఆటగాడిగా కోహ్లీ నిలిచాడు.
సొంతగడ్డపై విరాట్ కోహ్లీ 99 మ్యాచ్ల్లో 5002 పరుగులు చేశాడు. ఇందులో 19 శతకాలు, 25 అర్థశతకాలు ఉన్నాయి.
ఇవీ చూడండి: టీమ్ ఇండియా టెస్టు కెప్టెన్గా అతడి పేరే ఖరారు!
