Kohli 100 Test: టీమ్ఇండియా మాజీ కెప్టెన్, స్టార్ బ్యాటర్, రన్మెషీన్ విరాట్ కోహ్లీ.. మొహాలీ వేదికగా తన 100వ అంతర్జాతీయ టెస్టు ఆడనున్నాడు. మార్చి 4న జరిగే ఈ మ్యాచ్ను ప్రత్యక్షంగా వీక్షించాలని అభిమానులు భావించారు. అయితే పంజాబ్ క్రికెట్ అసోసియేషన్ ఫ్యాన్స్కు ఆ అవకాశాన్ని కల్పించట్లేదు. కొవిడ్ నేపథ్యంలో స్టేడియంలోకి ప్రేక్షకులను అనుమతించట్లేదని స్పష్టం చేసింది. దీంతో అభిమానులకు నిరాశే మిగిలింది.
శ్రీలంకతో టెస్టు సిరీస్లో భాగంగా తొలి టెస్టు మొహాలీలోని ఐఎస్ బింద్రా స్టేడియంలో జరగనుంది. మరో టెస్టు బెంగళూరులోని చిన్నస్వామి స్టేడియంలో జరుగుతుంది.
ఇప్పటివరకు 99 టెస్టులు ఆడిన విరాట్ కోహ్లీ.. 50.39 సగటున 7962 పరుగులు చేశాడు. వీటిలో 27 శతకాలు ఉన్నాయి.
ఇదీ చూడండి : మహీ ఎన్నో విలువైన సూచనలు ఇచ్చాడు: పాక్ ప్లేయర్
