Delhi net bowler corona: దిల్లీ క్యాపిటల్స్ జట్టులో మళ్లీ కరోనా కలకలం రేపింది. ఆ టీమ్లోని ఓ నెట్ బౌలర్కు కొవిడ్ పాజిటివ్గా తేలింది. చెన్నైతో నేడు(ఆదివారం) మ్యాచ్ ఉన్న నేపథ్యంలో ఈ రోజు ఉదయం ఆటగాళ్లు, సిబ్బందికి కరోనా పరీక్షలు చేశారు. ఈ టెస్టుల్లోనే ఓ ఆటగాడికి వైరస్ ఉన్నట్లు నిర్ధరణ అయింది. మరికొద్దిగంటల్లో మ్యాచ్ ప్రారంభం కావాల్సి ఉన్న నేపథ్యంలో ఆటగాడు కరోనా బారిన పడటం ఆందోళన కలిగిస్తోంది. "ఈ రోజు ఉదయం చేసిన టెస్టుల్లో ఓ నెట్ బౌలర్కు పాజిటివ్గా తేలింది. ఆటగాళ్లను రూమ్స్లోనే ఐసోలేషన్లో ఉండాలని సూచించాం" అని ఓ ఐపీఎల్ ప్రతినిధి తెలిపారు.
ఐపీఎల్ ప్రొటోకాల్ ప్రకారం ఆటగాళ్లకు మరోసారి కరోనా నిర్ధరణ పరీక్షలు నిర్వహిస్తారు. ఇందులో వచ్చిన ఫలితాల ఆధారంగా ప్లేయర్స్ను ఐసోలేషన్లో ఉంచాలా లేదా సహా మ్యాచ్ జరిగే విషయంపై నిర్ణయం తీసుకుంటారు.
Rajasthan royals Shimron Hetmyer: రాజస్థాన్ రాయల్స్ కీలక ఆటగాడు హెట్మెయర్ ఐపీఎల్ మధ్యలోనే వీడి స్వదేశానికి వెళ్లనున్నాడు. అతడి భార్య బిడ్డకు జన్మనివ్వడంతో ఈ నిర్ణయం తీసుకున్నాడు. ఈ విషయాన్ని టీమ్ మేనేజ్మెంట్ ట్వీట్ చేసింది. వచ్చే వారం జట్టుతో కలుస్తాడని తెలిపింది. దీంతో ఈ మధ్యలో కనీసం 2 మ్యాచ్లకు అతను దూరం కానున్నాడు. "జీవితంలో పిల్లలు పుట్టే మధురక్షణం ఒక్కసారే వస్తుంది. నా బిడ్డను చూడాలనే తాపత్రయంతో స్వదేశానికి వెళ్తున్నా. తొందరలోనే మళ్లీ కలుస్తా" అంటూ హెట్మెయర్ తెలిపాడు. కాగా, రాజస్థాన్ జట్టు.. ప్రస్తుతం ప్లేఆఫ్స్కు చేరువగా ఉంది. పాయింట్ల పట్టికలో మూడో స్థానంలో కొనసాగుతోంది.
ఇదీ చూడండి: అందుకే నేను కెప్టెన్‌ అవ్వలేకపోయా: స్పష్టతనిచ్చిన యువీ
