Rohit Sharma Injured: నెట్ సెషన్లో ప్రాక్టీస్ సందర్భంగా టీమ్ఇండియా టెస్ట్ వైస్ కెప్టెన్ రోహిత్ శర్మ గాయపడ్డాడు. దీంతో దక్షిణాఫ్రికాతో జరగనున్న టెస్టు సిరీస్కు దూరంకానున్నాడు. ఈ విషయాన్ని బీసీసీఐ కార్యదర్శి జై షా స్పష్టం చేశారు. రోహిత్ స్థానంలో ప్రియాంక్ పాంచల్ను కవర్ ప్లేయర్గా ఎంపిక చేసింది బీసీసీఐ.
డిసెంబర్ 26న సెంచూరియన్ వేదికగా తొలి టెస్టు జరగనుంది. జనవరి 3-7 వరకు రెండో టెస్టు, 11-15 వరకు మూడో టెస్టు నిర్వహించనున్నారు. అనంతరం మూడు వన్డేల సిరీస్లో తలపడతాయి ఇరుజట్లు.
అందుకే అవకాశం..
దక్షిణాఫ్రికా ఏ జట్టుతో మ్యాచ్లో 96 పరుగులు చేశాడు పాంచల్. ఇటీవలే ఆ దేశంలోనూ పర్యటించడం అతడికి కలిసివచ్చింది. పాంచల్కు.. ఈ రాత్రికే ముంబయిలోని టీమ్ హోటల్కు రావాలని పిలిపు వచ్చింది.
ఇదీ చూడండి: కోహ్లీ నాయకత్వంలో ప్రతిక్షణాన్ని ఆస్వాదించాను: రోహిత్
