ఇటీవలే కారు ప్రమాదంలో గాయపడ్డ టీమ్ఇండియా ప్లేయర్ రిషభ్ పంత్ దెహ్రాదూన్లో ఓ ప్రైవేట్ ఆస్పత్రిలో చికిత్స పొందుతున్నాడు. పలు శస్త్రచికిత్సల తర్వాత ఐసీయూలో వైద్యుల పర్యవేక్షణలో ఉన్న పంత్ ఇప్పుడు కోలుకుంటున్నాడని సంబంధిత వర్గాలు తెలిపాయి. ఇప్పడు పంత్ను ప్రత్యేక వార్డుకు మార్చారు. ఈ క్రమంలో ఆస్పత్రిలోని అతడి ఫొటో నెట్టింట చక్కర్లు కొడుతోంది.
రోడ్డు ప్రమాద సమయంలో రిషభ్కు సాయపడ్డ రజత్ కుమార్, నిషు కుమార్ అనే యువకులు.. పంత్ పోగుట్టుకున్న వస్తువులను తిరిగి ఇచ్చేందుకు మ్యాక్స్ ఆస్పత్రికి వచ్చారు. యువకులు వచ్చారని తెలుసుకున్న పంత్ వారిని పిలిపించి కృతజ్ఞతలు తెలిపారు. ఆ సమయంలో తీసిన ఓ ఫొటొలో రిషబ్ చేయి కనిపిస్తోంది. ఇందులో రిషభ్ ముఖం కనిపించనప్పటికీ ఫ్యాన్స్ ఈ ఫొటోను షేర్ చేస్తున్నారు. తమ అభిమాన ప్లేయర్ త్వరగా కోలుకోవాలని ప్రార్థనలు చేస్తున్నారు.
