'అత్యాశ కొంపకు చేటు' అంటారు పెద్దలు. తాజాగా వెలుగులోకి వచ్చిన సంఘటన నేపథ్యంలో.. ఆ సామెత టీమ్ ఇండియా స్టార్ ప్లేయర్ రిషభ్ పంత్కు సరిగ్గా సరిపోతుంది. తక్కువ ధరకు విలాస వంతమైన వస్తువులు వస్తాయని ఆశపడిన పంత్కు.. రూ. కోట్లలో ఎగనామం పెట్టాడు ఓ వ్యక్తి. దాదాపు రూ.1.63కోట్లకు టోపీ పెట్టేశాడు.
అసలేమైంది?
జనవరి 2021లో మ్రినాంక్ సింగ్ అనే లోకల్ క్రికెటర్.. రిషభ్ పంత్‌తో పాటు అతని మేనేజర్ పునీత్ సోలంకిని కలిశాడు. తాను ఓ కొత్త వ్యాపారం మొదలెట్టానని ఖరీదైన లగ్జరీ వాచ్లు, బ్యాగులు, జ్యూవెలరీని కొనుగోలు చేసి వాటిని విక్రయిస్తుంటానని చెప్పాడు. తాను చాలామంది క్రికెటర్లకు ఇలా వాచ్లు అమ్మినట్టు నమ్మబలికాడు. పాత వాచ్లో ఎక్కవ ధరకు అమ్మిబెట్టి.. తక్కువ ధరకు ఖరీదైన వాచీలు ఇప్పిస్తానని మృణాక్ సింగ్ పేర్కొన్నాడు.
ఆ మాటలను నమ్మిన రిషభ్ పంత్.. అతనికి ఓ ఖరీదైన వాచ్తోపాటు.. కొన్ని బంగారు నగలను అందించాడు. రిషభ్ పంత్ నుంచి రీసేల్ నిమిత్తం వాటిని కొనుగోలు చేసినట్టుగా రూ.1.63 కోట్లకు మృణాక్ సింగ్ చెక్కు ఇచ్చాడు. అయితే బోగస్ చెక్కు అని తర్వాత తేలింది. ఈ క్రమంలో తాను మోసపోయానని తెలుసుకున్న పంత్.. పోలీసులకు ఫిర్యాదు చేశాడు.
మృణాక్ సింగ్ ఇంత‌కుముందు ఒక వ్యాపారిని మోసం చేశాడనే ఆరోపణలు ఎదుర్కొంటున్నాడు. ప్రస్తుతం అతడు ముంబయి ఈ కేసుపై ఏడాదికి పైగా విచారణ జరగగా.. అతన్ని అరెస్టు చేసిన జుహు పోలీసులు.. అతని దగ్గర నుంచి రూ.6 లక్షల నగదు రికవరీ చేశారు.
ఇదీ చదవండి: 'సలార్' షూటింగ్లో ప్రభాస్ పిక్స్ లీక్.. కంగారులో యూనిట్!
