IPL 2022 RR Vs DC: ఆల్రౌండ్ ప్రదర్శనతో రాజస్థాన్ రాయల్స్ అదరగొట్టింది. రాజస్థాన్ జట్టు బ్యాట్స్మెన్ దిల్లీ బౌలర్లపై విరుచుకుపడగా.. ఛేదనకు దిగిన ప్రత్యర్థి జట్టు బ్యాటర్లను ముప్పుతిప్పలు పెట్టించారు ఆ జట్టు బౌలర్లు. మొత్తానికి శుక్రవారం జరిగిన మ్యాచ్లో దిల్లీపై ఘన విజయం సాధించింది రాయల్స్. 222 పరుగుల భారీ లక్ష్యాన్ని నిర్దేశించిన రాజస్థాన్ జట్టు.. ప్రత్యర్థిని 207 పరుగులకే కట్టడి చేసింది. స్పిన్నర్లు అశ్విన్, చాహల్ సహా ఫాస్ట్ బౌలర్ ప్రసిద్ధ్ కృష్ణా అద్భుతమైన బౌలింగ్ చేశారు. ఆశ్విన్ రెండు వికెట్లు, ప్రసిద్ధ్ కృష్ణా మూడు వికెట్లు పడగొట్టగా.. చాహల్ ఓ వికెట్ తీశాడు.
అంతకుముందు.. టాస్ ఓడి బ్యాటింగ్ దిగిన రాజస్థాన్ రాయల్స్ జట్టు కేవలం రెండు వికెట్ల నష్టానికి 222 పరుగుల భారీ స్కోరు చేసింది. జోస్ బట్లర్ శతకం 116(65), పడిక్కల్ హాఫ్ సెంచరీలతో 54(35) విజృంభించారు. ఆ తర్వాత క్రీజులోకి వచ్చిన కెప్టెన్ సంజూ శాంసన్ కూడా 19 బంతుల్లో 46 పరుగులతో మెరుపు ఇన్నింగ్స్ ఆడాడు. ఈ సీజన్లో బట్లర్కు ఇది మూడో సెంచరీ.
ఇవీ చదవండి: ఐపీఎల్లో మళ్లీ కరోనా కలవరం- ఐసోలేషన్లోకి దిల్లీ హెడ్కోచ్ పాంటింగ్
