కోల్కతాతో గురువారం జరిగిన మ్యాచ్లో చెన్నై సూపర్కింగ్స్ బ్యాట్స్మెన్ ధోనీ, బ్రావో సరికొత్త రికార్డులు నెలకొల్పారు. అయితే ఈ మ్యాచ్లో 10 పరుగుల తేడాతో సీఎస్కే ఓడింది.
అత్యధిక క్యాచుల రికార్డు ధోనీదే
ఐపీఎల్లో అత్యధిక మ్యాచ్లు ఆడిన క్రికెటర్గా ఇటీవలే రికార్డు నెలకొల్పిన ధోనీ.. ఇప్పుడు మరో ఘనత సాధించాడు. కోల్కతాతో మ్యాచ్లో నాలుగు అద్భుత క్యాచ్లు పట్టిన మహీ(104).. దినేశ్ కార్తిక్(103)ను అధిగమించాడు.
150 వికెట్ల క్లబ్లో బ్రావో
కోల్కతాతో మ్యాచ్లో మూడు వికెట్లు తీసిన బ్రావో.. ఐపీఎల్లో 150 వికెట్ల క్లబ్లో చేరాడు. ఈ ఘనత సాధించిన పేసర్లలో లసిత్ మలింగ(170) తొలి స్థానంలో ఉన్నాడు. స్పిన్నర్లలో పియూష్ చావ్లా, హర్భజన్ సింగ్ పేరిట ఈ రికార్డు ఉంది.
అబుదాబిలో జరిగిన ఈ మ్యాచ్లో 10 పరుగుల తేడాతో చెన్నై ఓడింది. బౌలర్లు రాణించినా సరే బ్యాట్స్మెన్ విఫలమయ్యారని ధోనీ వివరణ ఇచ్చాడు.
