దుబాయ్ వేదికగా అక్టోబర్లో జరగనున్న టీ20 ప్రపంచకప్లో భాగంగా భారత్-పాకిస్థాన్ మధ్య జరిగే మ్యాచ్ తేదీ ఖరారైంది. అక్టోబర్ 24న ఇరు జట్లు తలపడనున్నాయి.
మార్చి 2021నాటి ర్యాంకింగ్స్ ఆధారంగా ఇటీవలే ఈ మెగాటోర్నీకి సంబంధించిన డ్రాను ప్రకటించారు. ఇందులో దాయాది దేశాలు భారత్-పాక్ ఒకే గ్రూప్లో ఉన్నాయి. దీనిని సూపర్ 12 మ్యాచ్లుగా నిర్వహించనున్నారు. ఈ టోర్నీ అక్టోబర్ 17 నుంచి నవంబర్ 14 వరకు జరగనుంది.
గ్రూప్ 1- వెస్టిండీస్, ఇంగ్లాండ్, ఆస్ట్రేలియా, దక్షిణాఫ్రికా, క్వాలిఫయర్ గ్రూప్-ఏ విజేత, గ్రూప్-బీ రన్నరప్
గ్రూప్ 2- భారత్, పాకిస్థాన్, న్యూజిలాండ్, అఫ్గానిస్థాన్, క్వాలిఫయర్ గ్రూప్-ఏ రన్నరప్, గ్రూప్-బీ విజేత
క్వాలిఫయర్స్
టీ20 ప్రపంచకప్లో క్వాలిఫై కోసం ఏకంగా ఎనిమిది జట్లు పోటీపడుతున్నాయి. వీటి మధ్య రౌండ్ 1 పోటీలను నిర్వహించనున్నారు. ఇందులో గ్రూప్ ఏలో శ్రీలంక, ఐర్లాండ్, నెదర్లాండ్స్, నమీబియా ఉన్నాయి. గ్రూప్ బీ లో బంగ్లాదేశ్, స్కాట్లాండ్, పపువా న్యూగినియా, ఒమన్ తమ అదృష్టాన్ని పరీక్షించుకోనున్నాయి.
ఈ క్వాలిఫయర్స్లోని గ్రూప్ ఏ విజేత, గ్రూప్ బీ రన్నరప్ సూపర్ 12 విభాగంలో గ్రూప్ 1లో వెస్టిండీస్, ఆస్ట్రేలియా, ఇంగ్లాండ్, దక్షిణాఫ్రికాలతో పోటీపడనున్నాయి. తర్వాత గ్రూప్ బీ విజేత, గ్రూప్ ఏ రన్నరప్ సూపర్ 12 విభాగంలో గ్రూప్ 2లోని భారత్, పాకిస్థాన్, అఫ్గానిస్థాన్, న్యూజిలాండ్తో పోటీపడతాయి.
ఇదీ చూడండి: టీ20 ప్రపంచకప్: భారత్- పాక్ 'మ్యాచ్' ఫిక్స్- ఫ్యాన్స్ ఖుష్
