IND VS Srilanka: వచ్చే నెల నుంచి శ్రీలంక జట్టు భారత్లో పర్యటించనుంది. ఈ టూర్లో భాగంగా ఇరు జట్లు రెండు టెస్టులు, మూడు టీ20లు ఆడనున్నాయి. అయితే ఈ సిరీస్ షెడ్యూల్లో మార్పులు చేయాలని బీసీసీఐని శ్రీలంక బోర్డు అభ్యర్థించినట్లు సమాచారం. ముందు టీ20లు జరిపి ఆ తర్వాత టెస్టులు నిర్వహించాలని కోరినట్లు తెలిసింది.
ఫిబ్రవరి 25నుంచి టీమ్ఇండియాతో టెస్టు సిరీస్ ఆడనుంది లంక. ఈ పర్యటనకు ముందు ఫిబ్రవరి 5- 20 వరకు ఆస్ట్రేలియాతో టీ20 సిరీస్ ఆడనుంది. ఈ నేపథ్యంలో ఆసీస్ నుంచి వచ్చే జట్టును భారత్కు పంపించే యోచనలో ఉంది. అప్పటికే అక్కడ బబుల్లో ఉన్న ప్లేయర్లనే తిరిగి కొనసాగించొచ్చని ఆ బోరు ఆలోచన.
అదే టెస్టు సిరీస్ను నిర్వహిస్తే తాము మళ్లీ టీ20 జట్టు ప్లేయర్స్ను వెనక్కి పిలిపించాల్సి ఉంటుంది. ఒకవేళ బీసీసీఐ షెడ్యూల్లో మార్పులు చేసి ముందుగా టీ20 పెడితే తమకు అనుకూలంగా ఉంటుందని కోరింది.
కాగా, తొలి టెస్టును(ఫిబ్రవరి 25-మార్చి 1) బెంగళూరులో నిర్వహించనుండగా.. రెండు టెస్టును(మార్చి 5-9) మోహాలిలో ఆడించనున్నారు. ఇక తొలి టీ20(మార్చి 13, మోహాలి), రెండోది మార్చి 15న ధర్మశాల, మూడోది మార్చి 18న లక్నోలో నిర్వహించనున్నారు.
వేదికలు కుదించే యోచనలో
ఇప్పటికే వెస్టిండీస్తో జరగబోయే సిరీస్కు వేదికలను కుదించే ఆలోచనలో ఉన్న బీసీసీఐ లంక సిరీస్ వేదికలను కూడా కుదించాలని యోచిస్తున్నట్లు తెలిసింది.
ఇదీ చూడండి:
సంబంధం కోసం వెతుకుతున్నారా? తెలుగు మాట్రిమోని లో రిజిస్ట్రేషన్ ఉచితం!
వెస్టిండీస్తో సిరీస్.. ఆరేళ్ల తర్వాత ఆ క్రికెటర్ రీఎంట్రీ!
