Dhoni Friend Birthday Celebrations : టీమ్ఇండియా మాజీ క్రికెటర్ ఎంఎస్ ధోనీ పేరు సోషల్ మీడియాలో తెగ ట్రెండ్ అవుతోంది. ప్రస్తుతం ఆయన తన ఫ్రెండ్స్, ఫ్యామిలీతో వెకేషన్ను ఎంజాయ్ చేస్తున్నాడు. తాజాగా తన ఫ్రెండ్ బర్త్డే వేడులకు హాజరై ధోనీ సందడి చేశాడు. దీనికి సంబంధించిన ఫొటోలు, వీడియోలు సోషల్ మీడియాలో తెగ హల్చల్ చేస్తున్నాయి. ధోనీ ఇలా తన స్నేహితులతో స్పెషల్ మూమెంట్స్ గడపటం చాలా ఆనందంగా ఉందంటూ ఫ్యాన్స్ నెట్టింట కామెంట్లు పెడుతున్నారు.
మరోవైపు, దిల్లీకి చెందిన ఓ స్కూల్ విద్యార్థి మ్యాథ్స్ ఎగ్జామ్ పేపర్లో వినూత్నమైన ఆన్సర్ను రాసుకొచ్చాడు. ఇది చూసిన టీచర్లు ఒక్కసారిగా కంగుతిన్నారు. ఆ యువకుడు ప్రతి ప్రశ్నకు 'తలా' అని ఆన్సర్ రాశాడట. ధోనీని చెన్నై సూపర్ కింగ్ ఫ్యాన్స్ ముద్దుగా తలా (నాయకుడు) అని పిలుచుకుంటారు. అయితే ఆ విద్యార్థి అలా చేయడం వల్ల ఆ స్కూల్ యాజమాన్యం అతడిని సస్పెండ్ చేసిందని సమాచారం. ప్రస్తుతం ఈ విషయం నెట్టింట తెగ ట్రెండ్ అవుతోంది. ఇక ఈ వార్త విన్న కొందరు నెటిజన్స్ రకరకాలుగా కామెంట్లు పెడుతున్నారు. ధోని లాంటి వారిని ఇన్స్పిరేషన్గా తీసుకుని ఎదగాలని అంతే కానీ కానీ ఇలా చేయడం కరెక్ట్ కాదంటూ సూచిస్తున్నారు.
-
MS Dhoni Fan @ChennaiIPL @IPL pic.twitter.com/BlzGOkMp0e
— Nidhan Singh Pawar (@NidhanPawar) December 12, 2023 " class="align-text-top noRightClick twitterSection" data="
">MS Dhoni Fan @ChennaiIPL @IPL pic.twitter.com/BlzGOkMp0e
— Nidhan Singh Pawar (@NidhanPawar) December 12, 2023MS Dhoni Fan @ChennaiIPL @IPL pic.twitter.com/BlzGOkMp0e
— Nidhan Singh Pawar (@NidhanPawar) December 12, 2023
ఇక ధోనీ విషయానికి వస్తే.. ఈ ఏడాది(2023) ఐపీఎల్ ఫైనల్స్లో గుజరాత్ టైటాన్స్పై గెలిచి తన చెన్నై సూపర్ కింగ్స్ జట్టుకు ఐదోసారి ట్రోఫీని అందించాడు కెప్టెన్ కూల్. మోకాలి గాయం కారణంగా రెస్ట్ తీసుకుంటున్న ఈ స్టార్ ప్లేయర్ శస్త్ర చికిత్స తీసుకుని నెమ్మదిగా కోలుకుంటున్నాడు. 2024 ఐపీఎల్ ఆడేందుకు సిద్ధంగా ఉన్నాడు. అయితే గాయం కారణంగా ధోనీ రానున్న ఐపీఎల్ సీజన్లో ఆడతాడా లేదా అనే అనుమానం అభిమానుల్లో కలిగింది. దీంతో ఆందోళన చెందారు. అయితే చెన్నై ఫ్రాంచైజీ తమ రిటైన్డ్ ప్లేయర్ల లిస్ట్లో ధోనీని యాడ్ చేసుకోవడం వల్ల అభిమానులు ఊపిరి పీల్చుకున్నారు.
