లాక్డౌన్ సమయంలో టీమ్ఇండియా కెప్టెన్, అతని సతీమణి అనుష్క శర్మ సామాజిక మాధ్యమాల వేదికగా అభిమానులతో ముచ్చటిస్తున్నారు. తాజాగా, విరాట్ను విసిగించడమంటే తనకు ఎంతో ఇష్టమని చెప్పింది అనుష్క. ఇన్స్టాగ్రామ్ వేదికగా అభిమానులతో చిట్చాట్ చేసిన ఈ ముద్దుగుమ్మ.. "మీ భర్తను విసిగించిన ఓ సందర్భాన్ని చెప్పండి" అని ఒకరు అడిగిన ప్రశ్నకు సమాధానమిస్తూ.. "ఏదైనా బోర్డు గేమ్లో కోహ్లీని ఓడించి రెచ్చగొడితా. ఎందుకంటే అతనికి ఓడిపొవడమంటే ఇష్టముండదు" అని చెప్పుకొచ్చింది.
- " class="align-text-top noRightClick twitterSection" data="
">
2017లో ఇటలీలో విరాట్ను వివాహం చేసుకున్న అనుష్క.. బంధం గట్టిగా నిలబడటానికి సాయపడే అంశాలను వివరించింది. ఓ మంచి బంధానికి నిబద్ధత ఎంతో ముఖ్యమని.. అందులోనూ విశ్వాసం ఉండాలని తెలిపింది.
ఇటీవలే అసోం, బిహార్ రాష్ట్రాల్లో వరదల్లో నష్టపోయిన ప్రజలకు అండగా ఉంటామని ఈ జంట హామీ ఇచ్చింది. ఈ విషయంలో ఎంతో కృషి చేస్తున్న మూడు సంస్థలకు మద్దతుగా ఉంటామని తెలిపారు.
