తన కెరీర్లో చూసిన ఉత్తమ కెప్టెన్లలో మహేంద్ర సింగ్ ధోనీ ఒకడని టీమ్ఇండియా మాజీ కోచ్ గ్యారీ కిర్స్టన్ అన్నాడు. ధోనీ రిటైర్మెంట్పై స్పందిస్తూ ఈ వ్యాఖ్యలు చేశాడు. ఇప్పటివరకు ఎన్నో మధుర జ్ఞాపకాలను అందించిన మహీకీ కృతజ్ఞతలు చెప్పారు.
"నేను చూసిన ఉత్తమ సారథుల్లో ధోనీ ఒకడు. అలాంటి వ్యక్తితో కలిసి పనిచేయడం నిజంగా గర్వకారణం. భారత జట్టుతో చాలా మంచి జ్ఞాపకాలను అందించినందుకు ధోనీకి ధన్యవాదాలు"
గ్యారీ కిర్స్టన్, టీమ్ఇండియా మాజీ కోచ్
2008 నుంచి 2011 వరకు భారత జట్టుకు ప్రధాన కోచ్గా వ్యవహరించారు గ్యారీ. వీరిద్దరి కాంబోలోనే 2011 వన్డే ప్రపంచకప్ సాధించింది భారత్. అంతకు ముందు గ్యారీ శిక్షణలోనే 2010 ఆసియాకప్ను సొంతం చేసుకుంది. అప్పుడే ధోనీతో కిర్స్టన్కు మంచి అనుబంధం ఏర్పడింది.
ధోనీ వీడ్కోలు సందర్భంగా అనేక మంది మాజీ క్రికెటర్లు, ప్రస్తుత క్రికెటర్లు సోషల్ మీడియా వేదికగా స్పందించారు. కెప్టెన్గా మహీ నడుచుకునే తీరు, బ్యాటింగ్, వికెట్ కీపర్గా అద్భుతమైన నైపుణ్యాలున్న ఆటగాడని ప్రశంసించారు. ఎంతో మంది యువ క్రికెటర్లకు అతడు ఆదర్శమని అన్నారు. టీమ్ఇండియాలో ఓ శకం ముగిసిందని పేర్కొన్నారు.
ఐపీఎల్లో ధోనీ
యూఏఈ వేదికగా వచ్చే నెల 19 నుంచి ప్రారంభం కానున్న ఐపీఎల్లో బరిలోకి దిగనున్నడు ధోనీ. ఇప్పటికే చెన్నై చేరుకున్న మహీ.. శిక్షణలో పాల్గొంటున్నాడు. ఆగస్టు 20 తర్వాత ప్రత్యేక విమానంలో, జట్టులోని మిగతా సభ్యులతో కలిసి దుబాయ్ వెళ్లనున్నాడు.
