Kidambi Srikanth Paris Olympics: తన అంతిమ లక్ష్యం పారిస్ ఒలింపిక్స్ 2024లో పతకం సాధించడమేనని తెలిపాడు ప్రపంచ బ్యాడ్మింటన్ ఛాంపియన్షిప్ రజత పతక విజేత కిదాంబి శ్రీకాంత్. ప్రస్తుత ఛాంపియన్షిప్లో దక్కిన విజయాన్ని తాను ఆస్వాదిస్తున్నట్లు పేర్కొన్నాడు. ఇంకా తన కెరీర్ గురించి పలు విషయాలను చెప్పాడు. ఆ సంగతులు మీకోసం..
ప్రపంచ ఛాంపియన్షిప్లో భారత్ తరఫున సిల్వర్ మెడల్ సాధించిన తొలి భారత పురుష ప్లేయర్ మీరు. ఇంకా ఆ ఆనందంలోనే ఉన్నారా?
శ్రీకాంత్: అవును. ప్రస్తుతం దేని గురించి ఆలోచించట్లేదు. ప్రపంచ ఛాంపియన్షిప్లో గెలిచిన ఆనందాన్ని ఆస్వాదించడానికి ప్రయత్నిస్తున్నాను.
సెమీఫైనల్లో మరో భారత ఆటగాడు లక్ష్యసేన్తో తలపడటం ఎలా అనిపించింది? మ్యాచ్ తర్వాత మీ సంభాషణ ఎలా సాగింది?
శ్రీకాంత్: మన దేశం తరఫున ఆడేవాళ్లతో తలపడటం ఎప్పుడూ కష్టమైనదే. ఇద్దరం గెలవడానికే ఆడతాం. మ్యాచ్లో నేను గెలవడం ఆనందంగా ఉంది. మ్యాచ్ ముగిసిన తర్వాత మాములుగానే మాట్లాడుకున్నాం. టోర్నీ, పోటీ గురించి ఏమీ మాట్లాడుకోలేదు.
ఫైనల్లో కీన్ యూ చేతిలో ఓడిపోవడంపై బాధగా ఉందా?
శ్రీకాంత్: అలా ఏమీ లేదు. ఫైనల్లో అతడితో నేను ఆడిన విధానంపై ఆనందంగానే ఉంది. కాకపోతే ఇంకాస్త బెటర్గా ఆడాల్సింది. ఏదేమైనప్పటికీ మన తప్పుల్ని తెలుసుకుని మరింత ఉత్తమంగా ఆడేందుకు ప్రయత్నించాలి.
ఈ ఛాంపియన్షిప్కు ముందు సుదిర్మన్ కప్, థామస్, ఉబర్ కప్ సహా పలు టోర్నీలు ఆడారు. మీరు ఉత్తమంగా ఆడుతున్నారని ఎప్పుడు గ్రహించారు?
శ్రీకాంత్: ప్రతి టోర్నీకి మెరుగుపడుతూనే ఉన్నాను. జర్మన్ ఓపెన్, ఫ్రెంచ్ ఓపెన్ ఆడేటప్పుడు నా ఆటలో డిఫరెన్స్ను గమనిస్తాను. ఇండోనేషియాలో ఆడేటప్పుడు మరింతగా గమనిస్తాను. ప్రపంచ ఛాంపియన్షిప్స్లో పాల్గొనేటప్పుడు మెడల్ సాధించాలని ఉన్నప్పటికీ దాని గురించి ఆలోచించను. ఉత్తమంగా ఆడటంపైనే దృష్టి పెడతాను. బాగా ఆడితే తప్పకుండా పతకం సాధిస్తాం.
2017లో మీరు సాధించిన ఘనతలకన్నా ఇది ఎక్కువ అని భావిస్తున్నారా?
శ్రీకాంత్: అవును.
కరోనా కారణంగా పలు టోర్నీలు రద్దు అయ్యాయి. దీని వల్ల మీ ర్యాంకింగ్స్పై ప్రభావం పడి టోక్యో ఒలింపిక్స్కు అర్హత సాధించలేకపోయారు? ఇది మిమల్ని ఎంత వరకు నిరాశపరిచింది?
శ్రీకాంత్: నిజం చెప్పాలంటే కాస్త డీలాపడ్డాను. కానీ నేను చేయగలిగింది ఏమీ లేదు. ఎందుకంటే ఆ సమయంలో 7-8 టోర్నీలు రద్దు అయ్యాయి. అప్పటివరకు ప్రపంచ ర్యాంకింగ్స్లో 14న స్థానంలో ఉన్నాను. ఒలింపిక్స్కు అర్హత సాధించాలంటే టాప్-16లో ఉండాలి. కానీ కరోనాతో పలు టోర్నీలు రద్దు అవ్వడం వల్ల ప్రపంచ బ్యాడ్మింటన్ సంఘం ర్యాంకింగ్స్ విధానంలో పలు మార్పులు చేసింది. అందువల్ల నాకు అవకాశం లేకుండా పోయింది. అది నా పరిధిలో లేని అంశం. నేను అనుకున్న ప్రకారం జరగకపోవడం వల్ల కాస్త బాధపడ్డాను. కానీ ఏమి జరిగినా ముందుకు సాగిపోవాలి కదా.
మీరు గెలిచిన తర్వాత ప్రధానమంత్రి నరేంద్ర మోదీ, ప్రెసిడెంట్ రామ్నాథ్ కోవింద్ మిమ్మల్ని ప్రశంసించారు. అవి మీలో స్ఫూర్తినింపాయా?
శ్రీకాంత్: నన్ను ప్రశంసిస్తూ ట్వీట్ చేయడం ఎంతో సంతోషాన్నిచ్చింది. నాలో స్ఫూర్తిని నింపాయి. వాళ్లు నా ఆటను ఫాలో అవ్వడం చాలా ఆనందాన్ని ఇచ్చింది.
-
Congratulations Kidambi Srikanth on becoming the first Indian to win a silver medal in men's singles at BWF World Badminton Championship. This is an outstanding feat. Your hard work and dedication are an inspiration for our youth. My best wishes for your bright future!
— President of India (@rashtrapatibhvn) December 20, 2021 " class="align-text-top noRightClick twitterSection" data="
">Congratulations Kidambi Srikanth on becoming the first Indian to win a silver medal in men's singles at BWF World Badminton Championship. This is an outstanding feat. Your hard work and dedication are an inspiration for our youth. My best wishes for your bright future!
— President of India (@rashtrapatibhvn) December 20, 2021Congratulations Kidambi Srikanth on becoming the first Indian to win a silver medal in men's singles at BWF World Badminton Championship. This is an outstanding feat. Your hard work and dedication are an inspiration for our youth. My best wishes for your bright future!
— President of India (@rashtrapatibhvn) December 20, 2021
-
Congratulations to @srikidambi for winning a historic Silver Medal. This win will inspire several sportspersons and further interest in badminton. https://t.co/rxxkBDAwkP
— Narendra Modi (@narendramodi) December 20, 2021 " class="align-text-top noRightClick twitterSection" data="
">Congratulations to @srikidambi for winning a historic Silver Medal. This win will inspire several sportspersons and further interest in badminton. https://t.co/rxxkBDAwkP
— Narendra Modi (@narendramodi) December 20, 2021Congratulations to @srikidambi for winning a historic Silver Medal. This win will inspire several sportspersons and further interest in badminton. https://t.co/rxxkBDAwkP
— Narendra Modi (@narendramodi) December 20, 2021
ఇప్పటి నుంచి మీ ప్రయాణం ఎలా ఉండబోతుంది?
శ్రీకాంత్: జనవరిలో ఇండియా ఓపెన్ ప్రారంభంకానుంది. ఆ టోర్నీలో బాగా ఆడేందుకు దృష్టి పెడతా.
మీ అంతిమ లక్ష్యం ఏమిటి?
శ్రీకాంత్: 2024 పారిస్ ఒలింపిక్స్లో మెడల్ సాధించడం నా అంతిమ లక్ష్యం. కానీ పూర్తిగా దాని మీదే దృష్టి పెట్టి మిగతా విషయాల్ని పక్కనపెట్టాలని భావించట్లేదు. ఆ ఒలింపిక్స్ సమయంలో దాని కోసం ప్రాక్టీస్ చేస్తూ అదే అంతిమ లక్ష్యంగా శ్రమిస్తా.
ఇటీవల జరిగిన ప్రపంచ బ్యాడ్మింటన్ ఛాంపియన్షిప్లో కిదాంబి శ్రీకాంత్ సరికొత్త చరిత్ర సృష్టించాడు. ఈ టోర్నీలో ఇప్పటివరకు ప్రకాశ్‌ పదుకొణె (1983), భమిడిపాటి సాయిప్రణీత్‌ (2019) కాంస్యాలు సాధించగా.. రజత పతకంతో మెరిసిన శ్రీకాంత్ భారత బ్యాడ్మింటన్ చరిత్రలో కొత్త అధ్యాయాన్ని లిఖించాడు.
ఇదీ చూడండి: kidambi srikanth BWF: ఫైనల్లో ఓడినా చరిత్రే
