రాజమౌళి తెరకెక్కిస్తున్న 'ఆర్ఆర్ఆర్' విడుదలకు సమయం దగ్గరపడుతోంది. సినిమా ఎప్పుడు విడుదలవుతుందా.. ఎప్పుడు థియేటర్‌కు వెళ్లి ఈలలు వేసి గోల చేద్దామా అని అభిమానులు ఉత్కంఠగా ఎదురుచూస్తున్నారు. అయితే.. 'ఆర్ఆర్ఆర్' టీమ్‌ మాత్రం హాయిగా సినిమా సెట్లో కాలక్షేపం చేస్తోంది. ఈ సినిమా షూటింగ్ తుది దశకు చేరుకుంది. దీంతో షూటింగ్‌కు మధ్యలో దొరికిన కాస్త విరామ సమయంలో తన హీరోలతో జక్కన్న సరదాగా సమయం గడిపారు. చరణ్‌, తారక్ పిట్టగోడ మీద కూర్చొని కబుర్లు చెప్పుకొంటూ ఉండగా.. ఆ దృశ్యాలను రాజమౌళి ఒక డమ్మీ కెమెరాతో చిత్రీకరిస్తున్నట్లు కనిపించారు. ఈ వీడియోను సోషల్‌ మీడియాలో షేర్ చేసింది చిత్రబృందం. అయితే.. ఆ వీడియోలో ఎన్టీఆర్‌ మొహంపై గాయం అయినట్లు కనిపిస్తోంది. దీంతో అభిమానులు ఆందోళనకు గురవుతున్నారు.
-
. @AlwaysRamCharan @tarak9999 & @ssrajamouli chilling in-between shots!! ❤️ #RRRMovie pic.twitter.com/IoKTaiAQ9r
— RRR Movie (@RRRMovie) August 7, 2021 " class="align-text-top noRightClick twitterSection" data="
">. @AlwaysRamCharan @tarak9999 & @ssrajamouli chilling in-between shots!! ❤️ #RRRMovie pic.twitter.com/IoKTaiAQ9r
— RRR Movie (@RRRMovie) August 7, 2021. @AlwaysRamCharan @tarak9999 & @ssrajamouli chilling in-between shots!! ❤️ #RRRMovie pic.twitter.com/IoKTaiAQ9r
— RRR Movie (@RRRMovie) August 7, 2021
భారీ బడ్జెట్‌తో రూపుదిద్దుకుంటోన్న ఈ చిత్రానికి రాజమౌళి దర్శకత్వం వహిస్తున్నారు. రామ్‌చరణ్‌-తారక్ ప్రధాన పాత్రలు పోషిస్తున్నారు. ఆలియాభట్‌, ఒలివీయా మోరీస్‌ కథానాయికలు. శ్రియ, అజయ్‌ దేవ్‌గణ్‌, సముద్రఖని, ఎలిసన్‌ డ్యూడీ, రేయ్‌ స్టీవ్‌సన్‌ కీలకపాత్రల్లో కనిపించనున్నారు. పోరాటయోధులు అల్లూరిసీతారామరాజు, కొమురంభీమ్‌ కలిస్తే.. వాళ్లిద్దరి మధ్య దోస్తీ ఎలా కుదిరింది? వాళ్ల దోస్తీ చివరికి ఎటువైపునకు దారి తీసింది? ఇలాంటి ఎన్నో ఆసక్తికర అంశాలతో ఈ చిత్రం రూపుదిద్దుకున్నట్లు తెలుస్తోంది. ఇటీవల విడుదలైన ఈ సినిమా ఫస్ట్‌సాంగ్‌ ప్రతి ఒక్కర్నీ ఎంతగానో ఆకట్టుకుంటోంది.
ఇదీ చూడండి: RRR: 'ఆర్ఆర్ఆర్' సెట్లో హాలీవుడ్‌ భామ సందడి
