రాజమౌళి(Rajamouli RRR movie) దర్శకత్వంలో ప్రతిష్ఠాత్మకంగా తెరకెక్కిన చిత్రం 'ఆర్ఆర్ఆర్'. ఎన్టీఆర్, రామ్చరణ్ ప్రధాన పాత్రల్లో రూపొందిందీ సినిమా. ఈ మూవీ జనవరి 7న ప్రపంచవ్యాప్తంగా థియేటర్లలో విడుదల కానుంది. ఈ నేపథ్యంలో అక్టోబర్ 29న ఓ బిగ్ సర్ప్రైజ్ ఇవ్వనున్నట్లు ప్రకటించింది చిత్రబృందం.
"ఇది వరకు ఎప్పుడూ చూడని, వినని.. ప్రపంచంలోనే ఏ సినిమాకు లేని కలయికను చూసేందుకు సిద్ధం అవ్వండి. ఇదేరోజు 'ఆర్ఆర్ఆర్' చిత్రానికి సంబంధించిన ఓ ఆసక్తికరమైన అప్డేట్ కోసం వేచి ఉండండి" అని ట్వీట్ చేసింది. దీంతో అది ఏమై ఉంటుందా అని? అభిమానుల్లో భారీగా ఆసక్తి నెలకొంది.
దాదాపు రూ.450 కోట్ల భారీ బడ్జెట్‌తో (RRR Budget) 'ఆర్ఆర్ఆర్' (RRR release date) నిర్మిస్తున్నారు. దర్శకధీరుడు రాజమౌళి(Rajamouli RRR Movie Budget) తెరకెక్కిస్తుండగా ఈ సినిమాలో అల్లూరి సీతారామరాజుగా రామ్చరణ్(Ramcharan RRR New Look ), కొమురం భీమ్‌గా ఎన్టీఆర్ (Ntr RRR Poster) నటిస్తున్నారు. డీవీవీ దానయ్య నిర్మాత. కీరవాణి సంగీతమందిస్తున్నారు. ఆలియాభట్‌, ఒలీవియా మోరీస్‌, అజయ్‌ దేవ్‌గణ్‌, శ్రియ, తదితరులు కీలకపాత్రలు పోషిస్తున్నారు. వచ్చే ఏడాది జనవరి 7న విడుదల కానుంది ఈ చిత్రం. ఇప్పటికే విడుదలైన టీజర్లు ప్రేక్షకులను ఆకట్టుకుంటున్నాయి.
ఇదీ చూడండి: RRR Update: ఆర్ఆర్ఆర్ ఫైనల్ కట్ పూర్తి.. నిడివి ఎంతో తెలుసా?
