ఈ సంక్రాంతికి వచ్చిన 'సరిలేరు నీకెవ్వరు'లో హీరోయిన్ అందర్ని మెప్పించింది రష్మిక. వచ్చే నెల్లో రానున్న 'భీష్మ'లో నితిన్‌కు జోడీగా కనిపించబోతోంది. అయితే ఈ సినిమా తర్వాత ఆమె అంగీకరించిన చిత్రాలేవీ లేవు. అయితే ఆమె ఎన్టీఆర్ సరసన నటిస్తుంది అనే వార్తలు ప్రస్తుతం చక్కర్లు కొడుతున్నాయి. ఈ విషయంపై ఇంకా ఎటువంటి అధికారిక ప్రకటన వెలువడలేదు.
పులితో పోరాటం
ప్రస్తుతం 'ఆర్‌ఆర్‌ఆర్‌' చిత్రీకరణలో బిజీగా ఉన్నాడు ఎన్టీఆర్. రాజమౌళి దర్శకుడు. రామ్‌చరణ్‌ మరో హీరోగా నటిస్తున్నాడు. డీవీవీ దానయ్య నిర్మాత. ఈ చిత్రానికి సంబంధించిన ఓ వీడియో క్లిప్పింగ్‌ బయటకు వచ్చేసింది. పులితో ఎన్టీఆర్ పోరాటం చేస్తున్న ఘట్టమది. ఎన్టీఆర్ పరిచయం నేపథ్యంలో ఈ సన్నివేశం వస్తుందని తెలుస్తోంది. ఇందులో చాలా కీలకమైన సన్నివేశం కాస్త లీక్‌ అవడం వల్ల చిత్రబృందం అప్రమత్తమైంది. ఆన్‌లైన్‌లో అందుకు సంబంధించిన లింకులన్నీ తొలగించింది. ఇది వరకే ఈ చిత్రం లీకుల బారిన పడింది. ఇక మీదట లీకేజీలు జరగకుండా జాగ్రత్తలు తీసుకోవాలని చిత్రబృందం భావిస్తోంది.
ఇదీ చదవండి: మహేశ్‌ మోకాలికి త్వరలో శస్త్ర చికిత్స.. సినిమాలకు బ్రేక్!
