బాలీవుడ్లో తన ఫేవరెట్ యాక్టర్ రణ్బీర్ కపూర్ అని చెప్పారు దర్శకధీరుడు రాజమౌళి. రణ్బీర్ నటిస్తున్న భారీ బడ్జెట్ సినిమా 'బ్రహ్మాస్త్ర' చిత్ర దక్షిణాది మోషన్ పోస్టర్ను జక్కన్న విడుదల చేశారు. ఈ సినిమాలో దిగ్గజ నటుడు అమితాబ్ బచ్చన్, నాగార్జున, ఆలియా భట్, మౌనిరాయ్ వంటి భారీ తారాగణం ప్రధాన పాత్రలు పోషిస్తున్నారు. ప్రమోషన్లలో భాగంగా శనివారం ప్రెస్మీట్ నిర్వహించింది చిత్రబృందం. ఈ సందర్భంగా రణ్బీర్ నటనపై ప్రశంసలు కురిపించారు రాజమౌళి.
"బాలీవుడ్లో నా ఫేవరెట్ హీరో రణ్బీర్. అతను పెద్దగా యాక్టింగ్ చేస్తున్నట్లు కనపడడు. కళ్లలోనే ఇంటెన్సిటీ కనబడుతుంది. చూసేందుకు నార్మల్గా కనబడినా అతడిలోపల ఎంతో శక్తి దాగుంది. అచ్చం శివుడిలా. ఈ సినిమాలో అతడిని ఎంపిక చేయడమే పెద్ద ప్లస్. ఇక దర్శకుడు అయాన్ తొలుత నా దగ్గరికి వచ్చినప్పుడు.. ఇతను నాకన్నా పిచ్చోడిలా ఉన్నాడే అనిపించింది. నాకన్నా అతడికి సినిమా పిచ్చి ఎక్కువ. 'బ్రహ్మాస్త్ర' గురించి చెబుతుంటే.. ఒక బ్రహ్మాండం సృష్టించబోతున్నాడనిపించింది."
-రాజమౌళి, దర్శకుడు
రాజమౌళి ఆశీర్వాదం తీసుకున్న రణ్బీర్..
ప్రపంచంలోనే తనకు అత్యంత ఇష్టమైన దర్శకుడు రాజమౌళి అని చెప్పారు రణ్బీర్. దేశంలో ఆయనే నెం.1 అని కొనియాడారు. స్టేజి మీదకు వచ్చేటప్పుడు రాజమౌళి ఆశీర్వాదం తీసుకున్నారీ బాలీవుడ్ హీరో. అనంతరం నాగార్జున బ్లెస్సింగ్స్ కూడా తీసుకున్నారు.
"ఇది చాలా ప్రత్యేకమైన సినిమా. దక్షిణాదిలో దీనిని రాజమౌళి ప్రెజెంట్ చేయడం చాలా సంతోషంగా ఉంది. ప్రపంచలోనే నాకు అభిమాన దర్శకుడాయన. అమితాబ్ తర్వాత అతిపెద్ద నటుడు నాగార్జున. ఆయన కుటుంబంతో నాకు చాలా సన్నిహిత సంబంధం ఉంది. ఆయనంటే నాకు ఎంతో ఇష్టం."
-రణ్బీర్ కపూర్, నటుడు
రాజమౌళి ఈ చిత్రాన్ని సమర్పిస్తున్నారంటేనే ఈ సినిమా స్థాయేంటో అర్థం చేసుకోవచ్చని నాగార్జున అన్నారు. అందుకు సినిమాలోని నటుడిగా కృతజ్ఞతలు తెలిపారు. ఈ వేడుకకు ప్రముఖ ఫిల్మ్మేకర్ కరణ్ జోహర్, హీరోయిన్ ఆలియా భట్ హాజరయ్యారు.
'బ్రహ్మాస్త్ర'ను తెలుగు, హిందీ సహా కన్నడ, తమిళం, మలయాళ భాషల్లో విడుదల చేయనున్నారు. ఈ చిత్రానికి ప్రీతమ్ సంగీతమందిస్తున్నారు. అయాన్ ముఖర్జీ దర్శకత్వం వహిస్తున్నారు. ఫాక్స్ స్టార్ స్టూడియోస్, ధర్మ ప్రొడక్షన్స్ సంయుక్తంగా నిర్మిస్తున్నాయి. ఈ సినిమాను 2022 సెప్టెంబర్ 9న విడుదల చేయనున్నారు.
- " class="align-text-top noRightClick twitterSection" data="">
ఇదీ చూడండి: రణ్బీర్కు అమితాబ్ ఖరీదైన గిఫ్ట్.. ధరెంతో తెలుసా?
