అంతర్జాతీయ నటి ప్రియాంక చోప్రా.. బాలీవుడ్ స్టార్ సోనూసూద్ను ప్రశంసించింది. ఆంధ్రప్రదేశ్లో ఇటీవలే ఓ నిరుపేద రైతుకు ట్రాక్టర్ కొనిచ్చిన సోనూ గురించి మాట్లాడుతూ, తనను చూస్తుంటే గర్వంగా ఉందని ట్విట్టర్లో రాసుకొచ్చింది.
"లాక్డౌన్తో ఇబ్బందులు ఎదుర్కొంటున్న చాలామంది వలసకూలీలకు సోనూసూద్ ఎంతో సాయం చేశారు. కనీసం ఎద్దులు కొనేందుకు డబ్బుల్లేక అవస్థలు పడుతున్న ఆంధ్రప్రదేశ్కు రైతుకు కొత్త ట్రాక్టర్ పంపించారు. అతడు చేస్తున్న పనులు చూస్తుంటే గర్వంగా ఉంది" అని ప్రియాంక చోప్రా ట్వీట్ చేశారు. స్పందించిన సోనూ.. "ఇలాంటి మంచి మాటలతో నన్ను ప్రోత్సాహిస్తున్నందుకు ధన్యవాదాలు ప్రియాంక" అంటూ రాసుకొచ్చారు.
ఇటీవలే పుట్టినరోజు జరుపుకున్న సోనూసూద్కు.. అభిమానులు, ప్రజలందరూ శుభాకాంక్షలు చెపారు. అతడు చేస్తున్న మంచి పనులను మెచ్చుకున్నారు.
