RadheShyam first review: అభిమానులు ఎంతో ఆసక్తిగా ఎదురుచూస్తున్న సినిమా 'రాధేశ్యామ్'. మార్చి 11న ప్రపంచవ్యాప్తంగా థియేటర్లలో విడుదల కానుంది. రాధాకృష్ణ ధర్శకత్వం వహించిన ఈ మూవీలో ప్రభాస్ సరసన పూజాహెగ్డే నటించింది. పీరియాడికల్ లవ్స్టోరీగా తెరకెక్కిన ఈ సినిమాపై భారీ అంచనాలు ఉన్నాయి. అయితే తాజాగా ఈ సినిమా వీక్షించిన సెన్సార్ బోర్డు సభ్యుడు, సినీ విశ్లేషకుడు ఉమైర్ సంధు ఫస్ట్రివ్యూ ఇచ్చారు. సినిమా అద్భుతంగా ఉందని కొనియాడారు.
"ప్రభాస్ క్లాస్, స్టైల్ను భారత్లో ఎవరూ బీట్ చేయలేరు. రాధేశ్యామ్లో ఎంతో అందంగా ఉన్నారు. ఆయన నటన ఎంతో అద్భుతంగా ఉంది. ఈ సినిమాలో వీఎఫ్ఎక్స్ కళ్లు చెదిరేలా ఉన్నాయి. ప్రభాస్, పూజాహెగ్డే కెమిస్ట్రీ మైండ్ బ్లోయింగ్. ఇది అద్భుతమైన సినిమా. ఇక క్లైమాక్స్ ఓ అద్భుతమైన అనుభూతి. ఎవరూ ఊహించనంతగా ఉంది. సినిమాకే హైలెట్గా నిలుస్తుంది. మాటల్లో చెప్పలేను."
-ఉమైర్ సంధు, సినీ విశ్లేషకుడు.
కాగా, రొమాంటిక్ లవ్స్టోరీగా తెరకెక్కిన ఈ సినిమాకు దర్శకధీరుడు రాజమౌళి వాయిస్ ఓవర్ ఇచ్చారు. కృష్ణంరాజు కీలకపాత్ర పోషించారు. జస్టిన్ ప్రభాకరన్ పాటలు స్వరపరచగా, తమన్ బ్యాక్గ్రౌండ్ మ్యూజిక్ అందించారు. యూవీ క్రియేషన్స్- గోపీకృష్ణ మూవీస్ సంయుక్తంగా నిర్మించాయి.
ఇదీ చూడండి: అదంతా ఓ మాయ.. అందుకే సినిమాల్లో ఉన్నాను: పూజాహెగ్డే
