కీర్తి సురేశ్ 'గుడ్లక్ సఖి' విడుదల తేదీ మరోసారి మారింది. డిసెంబరు 10న థియేటర్లలోకి తీసుకొస్తున్నట్లు ప్రకటించారు. ఇప్పటికే చాలా ఆలస్యమైన ఈ సినిమా.. ఈసారైనా వస్తుందా అని సగటు సినీ ప్రేక్షకుడు అనుకుంటున్నాడు.
"థియేటర్ల సౌలభ్యం కోసమే రిలీజ్ డేట్ మార్చం. సినిమా మీకు కచ్చితంగా నచ్చుతుందనే గట్టి నమ్మకంతో ఉన్నాం" అని నిర్మాత సుధీర్ చంద్ర నోట్ విడుదల చేశారు.
జాతీయ అవార్డు గ్రహీత నగేశ్ కుకునూర్.. ఈ సినిమాకు దర్శకత్వం వహించారు. ఇందులో కీర్తి సురేశ్.. గిరిజన యువతిగా కనిపించనుంది. ఆది పినిశెట్టి, జగపతిబాబు కీలకపాత్రలు పోషించారు. దేవిశ్రీ ప్రసాద్ సంగీతమందించారు.
తొలుత ఈ సినిమాను ఈ ఏడాది జూన్ 3న రిలీజ్ చేస్తామని చెప్పారు. ఆ సమయంలో కరోనా సెకండ్ వేవ్ రావడం వల్ల అది కాస్త వాయిదా పడింది. ఆ తర్వాత పలు తేదీలు అనుకున్నప్పటికీ థియేటర్లు పూర్తిస్థాయిలో తెరవకపోవడం వల్ల దానిని ఆపుతూ వచ్చారు.
నవంబరు 26న సినిమా రిలీజ్ అని ఇటీవల ప్రకటించారు. కానీ ఇప్పుడు కొన్ని కారణాలతో డిసెంబరు 10న థియేటర్లలోకి తీసుకొస్తున్నట్లు స్పష్టం చేశారు. కానీ ఈ తేదీకి అయినా సరే వస్తుందా లేదా అనేది చూడాలి.
ఇవీ చదవండి:
