Keerthy suresh goodluck sakhi: ఓ కొత్త హీరోయిన్ తెరపై మెరిసిందంటే చాలు.. ఆ చిత్ర ఫలితాన్ని బట్టి వారిపై ఓ ముద్ర పడిపోతుంది. తొలి అడుగుల్లోనే వరుస విజయాలు దక్కాయంటే సరేసరి.. లేదంటే హిట్టు మాట వినిపించే వరకు 'ఐరన్ లెగ్' అన్న ముద్ర మోసుకుతిరగాల్సిందే. ఇప్పుడు చిత్రసీమలో స్టార్‌ నాయికలుగా వెలుగులీనుతున్న పలువురు నాయికలు కెరీర్ ఆరంభంలో ఇలాంటి విమర్శల్ని ఎదుర్కొన్న వారే. ఇందుకు తాను కూడా మినహాయింపు కాదంటోంది నటి కీర్తి సురేశ్.
ఇండస్ట్రీలోకి వచ్చిన కొత్తలో తాను కూడా 'ఐరన్ లెగ్' అన్న ట్యాగ్‌ను మోయాల్సి వచ్చిందని చెప్పింది. "నాయికగా నా సినీ ప్రయాణం మలయాళ చిత్రసీమ నుంచి మొదలైంది. నా తొలి చిత్రం సెట్స్‌పైకి వెళ్లిన కొద్దిరోజులకే అనుకోని కారణాల వల్ల ఆగిపోయింది. ఆ తర్వాత మరో రెండు సినిమాల విషయంలోనూ ఇదే జరిగింది. ఇలా నా సినిమాలన్నీ మధ్యలోనే ఆగిపోవడంతో కొంతమంది నాపై 'ఐరన్ లెగ్' ముద్రవేశారు. 'ఆ కొత్తమ్మాయిని పెట్టుకుంటే సినిమా ఆగిపోతుంది' అని ప్రచారం చేశారు. ఆ సమయంలో కాస్త బాధగా అనిపించినా.. వాటిని పట్టించుకోకుండా నా పని చేస్తూ ముందుకెళ్లాను. ఆ తర్వాత నా పని తీరే నాకు విజయాన్ని అందించింది. దాంతో నాపై వచ్చిన విమర్శలన్నీ ఒక్కసారిగా చెదిరిపోయాయి" అని కీర్తి చెప్పింది.
ఆమె నటించిన 'గుడ్‌లక్‌ సఖి' ఇటీవలే విడుదలైంది. తెలుగులో మహేశ్ బాబుతో 'సర్కారు వారి పాట', చిరంజీవితో 'భోళా శంకర్‌' చిత్రాల్లో నటిస్తోంది కీర్తి.
సంబంధం కోసం వెతుకుతున్నారా? తెలుగు మాట్రిమోనిలో రిజిస్ట్రేషన్ ఉచితం!
ఇదీ చూడండి:
- Good Luck Sakhi Movie review: 'సఖి'ని అదృష్టం వరించిందా?
- కీర్తి సురేశ్ నటనకు అభిమానినయ్యా: హీరో రామ్చరణ్
- KEERTHI SURESH: కీర్తి సురేశ్ అభిమానులకు శుభవార్త
- వీళ్లను చూస్తే 'తెలుగమ్మాయి' అనుకుంటారు.. కానీ!
- చిరంజీవికి రాఖీ కట్టిన కీర్తి సురేశ్.. స్పెషల్ వీడియో రిలీజ్
- కీర్తి సురేశ్ బ్యూటీ టిప్స్.. మీరూ ఫాలో అవ్వండి!
- కీర్తి సురేశ్ తొలి సంపాదన రూ. వందల్లోనే!
