Kamal Haasan news: దిగ్గజ నటుడు కమల్హాసన్ కరోనా నుంచి పూర్తిగా కోలుకున్నారు. ప్రస్తుతం పూర్తి ఆరోగ్యంగా ఉన్నట్లు ఆస్పత్రి యాజమాన్యం వెల్లడించింది. డిసెంబర్ 3 వరకు ఐసోలేషన్లోనే ఉండనున్నట్లు స్పష్టం చేసింది. 4 నుంచి కమల్ తన రోజూవారీ పనులు చేసుకోవచ్చని పేర్కొంది.
నవంబరు 22న కమల్ హాసన్కు కరోనా సోకింది. అమెరికా నుంచి భారత్‌కు చేరుకున్న తర్వాత పరీక్షలు చేయించుకోగా కరోనా పాజిటివ్‌గా నిర్ధరణ అయ్యిందని కమల్ ట్వీట్లో తెలిపారు. అప్పటి నుంచి ఆస్పత్రిలో చికిత్స పొందుతున్నారు.
త్వరలోనే కమల్.. 'విక్రమ్' సినిమాతో ప్రేక్షకుల ముందుకు రానున్నారు. లోకేశ్ కనగరాజ్‌ దర్శకత్వం వహిస్తున్న ఈ చిత్రంలో విజయ్సేతుపతి, ఫహాద్ ఫాజిల్ ముఖ్య పాత్రల్లో కనిపించనున్నారు. ఈ మూవీతో పాటు శంకర్ దర్శకత్వంలో తెరకెక్కాల్సిన 'ఇండియన్ 2'లోనూ కమల్ నటించనున్నారు. ఇప్పటికే షూటింగ్ ప్రారంభించుకున్న ఈ సినిమా తాత్కాలికంగా నిలిచిపోయింది.
ఇదీ చదవండి:Sirivennela died: సిరివెన్నెల చనిపోవడానికి కారణాలు ఇవే
