సినీ అభిమానుల్ని అలరించేందుకు ఓటీటీలో ఈ వారం(ఆగస్టు 1-6)లో సరికొత్త సినిమాలు, సిరీస్లు విడుదల కానున్నాయి. అందులో 'నవరస' వెబ్సిరీస్ సహా అనేక చిత్రాలు ఉన్నాయి. ఇంతకీ అవేంటి? ఏ ఓటీటీ యాప్లో రిలీజ్ కానున్నాయో తెలుసుకుందాం.
నవరస (తమిళం)
కోలీవుడ్ స్టార్స్ సూర్య, విజయ్ సేతుపతి, సిద్ధార్థ్, అరవిందస్వామి, అశోక్ సెల్వన్ తదితరులు ప్రధాన పాత్రల్లో నటించిన వెబ్సిరీస్ 'నవరస'. ఈ సిరీస్ను నెట్ఫ్లిక్స్తో కలిసి దర్శకుడు మణిరత్నం నిర్మిస్తున్నారు. మనిషిలోని ప్రధాన హావభావాలు కోపం, కరుణ, ధైర్యం, అసహ్యం, భయం, నవ్వు, ప్రేమ, శాంతి, ఆశ్చర్యం వంటి వాటిని ప్రధానంగా చేసుకుని రూపొందించిన వెబ్సిరీస్ ఇది. నెట్ఫ్లిక్స్లో ఆగస్టు 6న విడుదల కానుంది.
నువ్వుంటే నా జతగా(తెలుగు)
రాజశేఖర్ అనిగి, శ్రీకాంత్ బీరోజు, రఫీష్క కలిసి నటించిన చిత్రం 'నువ్వుంటే నా జతగా'. సంజయ్ కార్లపూడి దర్శకత్వంలో రూపొందిన ఈ సినిమా ఆగస్టు 2న అమెజాన్ ప్రైమ్ ఓటీటీ ద్వారా ప్రేక్షకుల ముందుకు రానుంది. ఓ మధ్యతరగతి కుటుంబంలో జరిగిన యాధార్థ సంఘటనలు ఆధారంగా రూపొందిన చిత్రమిది.
డయల్ 100 (హిందీ చిత్రం)
బాలీవుడ్ నటీనటులు మనోజ్ భాజ్పాయ్, నీనా గుప్తా, సాక్షి తన్వర్ కలిసి నటించిన చిత్రం 'డయల్ 100'. రెన్సిల్ డిసిల్వా దర్శకత్వంలో రూపొందిన ఈ థ్రిల్లర్ డ్రామా జీ5 ఓటీటీలో ఆగస్టు 6 నుంచి స్ట్రీమింగ్ కానుంది.
ప్రే అవై (ఇంగ్లీష్ డాక్యుమెంటరీ)
ట్రిబెకా ఫిల్మ్ ఫెస్టివల్లో ఉత్తమ డాక్యుమెంటరీగా నామినేషన్ పొందిన 'ప్రే అవై'.. నెట్ఫ్లిక్స్లో ఆగస్టు 3వ విడుదల కానుంది. 'కన్వర్షన్ థెరపీ' ఉద్యమం ఆధారంగా రూపొందిన ఈ డ్యాక్యుమెంటరీని ర్యాన్ మర్ఫీ రూపొందించారు.
ది సూసైడ్ స్క్వాడ్ (ఇంగ్లీష్ సినిమా)
మార్గొట్ రాబీ, ఇడ్రీస్ ఇల్బా, జాన్సీనా, సిల్వస్టర్ స్టాలోన్ కలిసి నటించిన చిత్రం 'ది సూసైడ్ స్క్వాడ్'. జేమ్స్ గన్ దర్శకత్వం వహించిన ఈ చిత్రం ఆగస్టు 5న హెచ్బీవో మ్యాక్స్ ద్వారా ప్రేక్షకుల ముందుకు రానుంది.
మిస్టర్.కార్మన్ (ఇంగ్లీష్ వెబ్సిరీస్)
జోసెఫ్ గోర్డాన్-లెవిట్, ఆర్టురో కాస్ట్రో నటించిన వెబ్సిరీస్ మిస్టర్. కార్మన్.. ఆగస్టు 6 నుంచి ఆపిల్ టీవీ+లో ప్రేక్షకులకు అందుబాటులోకి రానుంది. జోసెఫ్ గోర్డాన్-లెవిట్ దర్శకత్వంలో రూపొందిన ఈ అమెరికన్ వెబ్సిరీస్ ఓ స్కూల్ నేపథ్యంలో రూపొందింది.
ఎస్.ఓ.జడ్. సోల్డర్స్ ఆర్ జాంబీస్ (వెబ్సిరీస్)
సెర్గియో పెరిస్-మెంచెటా, ఫాతిమా మోలినా, హోరాసియో గార్సియా రోజాస్ కలిసి నటించిన వెబ్సిరీస్ 'ఎస్.ఓ.జడ్. సోల్డర్స్ ఆర్ జాంబీస్'. రిగోబెర్టో కాస్టనేడా దర్శకత్వంలో రూపొందిన ఈ సెన్స్-ఫిక్షన్ యాక్షన్ సిరీస్ అమెజాన్ ప్రైమ్ ఓటీటీ వేదికగా ఆగస్టు 6న ప్రేక్షకుల ముందుకు రానుంది.
ఇదీ చూడండి.. ఐశ్వర్యరాయ్, దీపికా పదుకొణె.. తల్లి కాబోతున్నారా?
