టాలీవుడ్ కథానాయకుడు గోపీచంద్ హీరోగా నటించిన సినిమా 'సీటీమార్'. ఈ చిత్రం విడుదల తేదీని తాజాగా ప్రకటించింది చిత్రబృందం. సెప్టెంబర్ 3న బాక్సాఫీస్ వద్ద సందడి చేయనుంది ఈ మూవీ.
ఈ సినిమాలో గోపీచంద్ సరసన తమన్నా హీరోయిన్గా నటించింది. వీరిద్దరూ కబడ్డీ కోచ్ల పాత్రలు పోషించారు. మణిశర్మ సంగీతమందించగా, శ్రీనివాస చిట్టూరి నిర్మాతగా వ్యవహరించారు. ఈ చిత్రానికి దర్శకుడు సంపత్ నంది.
మాస్లుక్తో గ్యాంగ్స్టర్ గంగరాజు..
చదలవాడ లక్ష్య హీరోగా నటిస్తున్న చిత్రం గ్యాంగ్స్టర్ గంగరాజు. తాజాగా ఈ సినిమాకు సంబంధించి ఫస్ట్లుక్ విడుదల చేసింది చిత్రబృందం. ఇందులో మాస్లుక్తో దర్శనమిచ్చాడు లక్ష్య. చుట్టూ మల్లయోధులు కూర్చొని ఉండగా మధ్యలో కొబ్బరిబోండం తాగుతూ సీరియస్గా కనిపిస్తున్నాడు. ఈ మూవీలో వేదిక దత్.. లక్ష్యతో స్క్రీన్ షేర్ చేసుకోనుంది.
చదలవాడ పద్మావతి శ్రీనివాస్ రావు ఈ సినిమాను నిర్మిస్తుండగా, ఇషాన్ సూర్య దర్శకత్వం వహిస్తున్నారు. సాయికార్తీక్ సంగీతం సమకూరుస్తున్నారు.
స్పైడర్ మ్యాన్ రిలీజ్ డేట్..
హాలీవుడ్ మూవీ 'స్పైడర్ మ్యాన్: నో వే హోమ్'కు సంబంధించి విడుదల తేదీని ప్రకటించారు. ఇండియాలో డిసెంబర్ 17న ఈ సినిమాను రిలీజ్ చేయనున్నట్లు చిత్రబృందం వెల్లడించింది. క్రిస్ట్మస్ పండగను దృష్టిలో ఉంచుకుని ఈ చిత్రాన్ని ప్రేక్షకుల ముందుకు తీసుకురానున్నారు.
టామ్ హోలండ్ టైటిల్ రోల్లో నటిస్తున్నాడు. అతడి సరసన జెందాయా స్క్రీన్ పంచుకోనుంది. కెవిన్ ఫీగె, అమీ పాస్కల్ సంయుక్తంగా ఈ సినిమాను నిర్మిస్తున్నారు. జాన్ వాట్స్ దర్శకత్వం వహిస్తున్నారు. మైకేల్ జియాచినో సంగీతం అందిస్తున్నారు.
'తడప్' ఎప్పుడంటే?
'ఆర్ఎక్స్ 100' బాలీవుడ్ రీమేక్గా తెరకెక్కుతోన్న సినిమా 'తడప్'. ఈ చిత్రంలో సునీల్ శెట్టి తనయుడు అహన్ శెట్టి హీరోగా పరిచయమవుతున్నాడు. అతడి సరసన తారా సుతారియా హీరోయిన్గా నటించనుంది. మిలన్ లుథ్రియా దర్శకత్వంలో వస్తున్న ఈ మూవీకి సంబంధించి విడుదల తేదీని ప్రకటించింది చిత్రబృందం. సాజిద్ నదియావాలా నిర్మిస్తున్న ఈ సినిమా డిసెంబర్ 3న బాక్సాఫీస్ వద్ద సందడి చేయనుంది.
డోంట్ బ్రీత్ 2 మూవీ వచ్చే నెల..
హాలీవుడ్ హార్రర్ మూవీ డోంట్ బ్రీత్ 2 సినిమాకు సంబంధించి రిలీజ్ తేదీని ప్రకటించింది చిత్రబృందం. ఈ మూవీ సెప్టెంబర్ 17న ప్రేక్షకులను అలరించనుంది.
స్టీఫెన్ లాంగ్- స్టీఫెనీ అర్సిలా నటీనటులుగా తెరకెక్కనున్న ఈ చిత్రాన్ని ఫిడె అల్వారెజ్, సామ్ రైమి, రోబ్ టాపెర్ట్ నిర్మిస్తున్నారు. రోడో సాయగ్స్ ఈ సినిమాకు దర్శకత్వం వహిస్తున్నారు.
ఇదీ చదవండి: Alitho saradaga: డబ్బులు లేక కుటుంబానికి దూరంగా..
