Telugu cinema news: "ఇండస్ట్రీ పెద్దగా ఉండను కానీ ఆపదలో ఉంటే కచ్చితంగా ఆదుకుంటాను" అని మెగాస్టార్ చిరంజీవి అనడం, ఏపీలో టికెట్ రేట్ల విషయమై సీనియర్ నటుడు మోహన్బాబు.. చిత్రపరిశ్రమకు బహిరంగా లేఖ రాయడం.. ఇలా ఆదివారం, టాలీవుడ్లో పలు విషయాలు చర్చనీయాంశమయ్యాయి.
ఈ క్రమంలోనే యువ దర్శకుడు అజయ్ భూపతి చేసిన ట్వీట్ వైరల్గా మారింది. ఎప్పుడు తన సినిమాలతో వివాదాల్లో ఉండే డైరెక్టర్ రామ్గోపాల్ వర్మను.. ఇండస్ట్రీ పెద్దగా చూడాలని ఉందని ట్విట్టర్లో రాసుకొచ్చాడు. ఇది కాస్త ఇప్పుడు వైరల్గా మారింది.
"మా బాస్ (రాంగోపాల్ వర్మ)ని ఇండస్ట్రీకి పెద్ద దిక్కుగా చూడాలని నా కోరిక.. సామీ మీరు రావాలి సామీ" అంటూ రాసి, ఆర్జీవీ ఫొటోను కూడా ట్వీట్ చేశారు అజయ్ భూపతి.
'ఆర్ఎక్స్ 100' డైరెక్టర్గా పరిచయమైన అజయ్ భూపతి.. తొలి సినిమాతో అద్భుతమైన హిట్ అందుకున్నారు. కానీ రెండో సినిమా 'మహాసముద్రం'తో ప్రేక్షకుల్ని నిరాశపరిచారు. ఇప్పుడు మరో చిత్రం చేసేందుకు సిద్ధమవుతున్నారు.
ఇవీ చదవండి:
