Best Telugu Folk songs: జానపదాలు ఈ ఏడాది జనం నాడి పట్టాయి... ప్రైవేటు పాటలు వీక్షకుల నాలుకలపై నాట్యమాడాయి... అదేసమయంలో కోట్ల వ్యూస్‌తో మేకర్స్‌కు సిరులు కురిపించాయి. అలా ఈ సంవత్సరం అలరించిన టాప్‌ సాంగ్స్ ఏంటో చూసేద్దాం...
బుల్లెట్టు బండి
Bullet Bandi song: ఈ ఏడాదిలో బుల్లెట్టు బండి పాట వినిపించని తెలుగు గడప లేదంటే అతిశయోక్తి కాదు. కుర్రకారు సెల్‌ఫోన్‌లో, తెలుగింటి పెళ్లి మండపాల్లో, ప్రైవేటు పార్టీల్లో.. ప్రతి చోటా సందడి చేసింది. ప్రతి ఆడపిల్లా ఈ జానపదాన్ని సొంతం చేసుకుంది. అచ్చ తెలుగు పల్లె పడికట్టు పదాలతో షాద్‌నగర్‌ కుర్రాడు లక్ష్మణ్‌ రాసిన ఈ పాటను మోహన భోగరాజు ఆలపించింది. యూట్యూబ్‌లో ఇప్పటివరకు 18 కోట్ల వ్యూస్‌ వచ్చాయి. షేక్‌ బాజీ హృద్యమైన బాణీలు సమకూర్చాడు.
- " class="align-text-top noRightClick twitterSection" data="">
బావల్ల నా బావల్ల
Bavalla na Bavalla song: బావల్లా నా బావల్లా.. ఎంతా సక్కని బావల్లా.. అంటూ అల్లరి పిల్ల శిరీష చేసిన మాయకు తెలుగు జనం బాగానే ఫిదా అయ్యారు. ఇప్పటికీ ఇంటింటిలో ఇది మార్మోగుతూనే ఉంది. యూట్యూబ్‌లో అయితే రెండున్నర కోట్ల మంది చూశారు. శిరీష ఈ సాంగ్‌లో పాడటమే కాదు.. ఆడింది కూడా. పాట రాసింది, సంగీతం, దర్శకత్వం.. అన్నీ తిరుపతి మాట్లనే. తిరుపతి గతంలోనూ రాసిన ఫోక్‌సాంగ్స్‌ ఎన్నో ప్రజల అభిమానాన్ని చూరగొన్నాయి.
- " class="align-text-top noRightClick twitterSection" data="">
గున్న గున్న మావిళ్లల్ల..
Gunna Gunna mavillalla song: అచ్చతెలుగు జనపదానికి ఊపైన స్టెప్పులద్ది పాటను వీడియోగా తీస్తే ఏమవుతుంది? రెండు కోట్ల వ్యూస్‌ వస్తాయి! గున్నా గున్నా మావిళ్లల్ల అదే జరిగింది. చంద్రప్రకాశ్‌ రాసిన లిరిక్స్‌కు సింగర్‌ తేజస్విని హుషారైన గొంతు తోడవడం వల్ల జనం ఈ పాటను తమ ఫేవరిట్‌ లిస్ట్‌లో చేర్చుకున్నారు. గజ్వేల్‌ వేణు ఊపైన బాణీలు అందించాడు. వీరందరితో పోటీ పడుతూ పాటలో నటించిన మౌనిక, సందీప్‌లు డ్యాన్స్‌ స్టెప్పులు, ఎక్స్‌ప్రెషన్స్‌తో అదరగొట్టారు.
- " class="align-text-top noRightClick twitterSection" data="">
వెళ్లురా ఓ మనిషి వెళ్లురా..
Vellura O manishi vellura song: నువ్వు కట్టుకున్న బంగుళా దాసుకున్న పైసలు.. ఏవి రావురో.. నీ వెంట రావురో.. జీవిత సారాన్నంతా ఒక్కపాటలో రంగరించి చెప్పినట్టుగా ఉంది కదూ! అందుకే ఈ సాంగ్ జనాలకి బాగా నచ్చేసింది. రాసింది, పాడింది.. బాలు కె.అసుర. పల్లె వాతావరణాన్ని ప్రతిబింబిస్తూ కళ్లకింపుగా చిత్రీకరించింది అరవింద్‌ కొణతం. చిన్నచిన్న వాడుక పదాలతో అల్లిన ఈ సాంగ్ పల్లె, పట్టణం తేడా లేకుండా అందరినీ ఆకట్టుకుంది. యూట్యూబ్‌లో కోటి మందికి పైగా వీక్షించారు.
- " class="align-text-top noRightClick twitterSection" data="">
ఉంగురమే
ఊరెనక దున్నిచ్చి.. ఉల్లి నాటేసి ఉంగూరమే రంగైన రాంలాల టుంగూరమే.. అంటూ మామిడి మౌనిక హుషారుగా పాడితే జనం పాదాలు కదలకుండా ఉంటాయా? విడుదలైన మూడు నెలల్లోనే రెండున్నర కోట్ల వ్యూస్‌ మూటగట్టుకుంది ఈ పాట. నాగదుర్గ అందం, అభినయం, నృత్యం ఈ జానపదానికి ప్లస్‌గా మారింది. తెరకెక్కించింది ఎస్‌వీ మల్లిక్‌తేజ. ప్రస్తుతానికి టాప్‌ లిస్టుతోపాటు ట్రెండింగ్లో ఉంది ఈ జానపదం.
- " class="align-text-top noRightClick twitterSection" data="">
ఇదీ చూడండి: 'బంగార్రాజు' వెనక్కి తగ్గుతాడా?.. రిలీజ్పై టెన్షన్
