'సార్పట్ట' సినిమాతో ఇటీవల ప్రేక్షకుల ముందుకొచ్చిన ఆర్య.. ప్రశంసలు దక్కించుకుంటున్నారు. ఈ మధ్యే అతడి భార్య సాయేషా సైగల్.. ఆడపిల్లకు జన్మనివ్వడం వల్ల ఆర్య ఆనందం రెట్టింపు అయింది. ఈ సమయంలో అతడిపై జర్మనీకి చెందిన ఓ మహిళ కేసు పెట్టడం చర్చనీయాంశమైంది.
తనను పెళ్లి చేసుకుంటానని చెప్పిన ఆర్య.. రూ.70 లక్షలు తీసుకున్నాడని జర్మనీకి చెందిన విజ్డా ఆన్లైన్లో ఫిర్యాదు చేసింది. తామిద్దరి వాట్సాప్ చాట్ను కూడా సమర్పించింది. ఆర్య తర్వాతి సినిమాలు విడుదల కాకుండా నిషేధం విధించాలని ఆమె కోరింది.
ఈ కేసు విచారణ గురువారం జరిగింది. మరిన్ని ఆధారాలు సేకరించాలని జడ్జి.. పోలీసులను కోరారు. ఆగస్టు 17కు కేసు వాయిదా వేస్తున్నట్లు తీర్పు చెప్పారు. అయితే ఈ విషయమై ఆర్య, అతడి టీమ్ నుంచి ఎలాంటి స్పందన లేదు.
నాని 'భలే భలే మగాడివోయ్'కు తమిళ రీమేక్ 'గజినికాంత్'. ఈ సినిమా షూటింగ్ సందర్భంగా కలిసిన ఆర్య, సాయేషా.. ప్రేమలో పడి, 2019లో పెళ్లిచేసుకున్నారు. ఇటీవల వీరికి ఆడబిడ్డ పుట్టింది.
ఇవీ చదవండి:
