కరోనా వంటి కష్టకాలంలో ప్రజలంతా ఇళ్లకే పరిమితమయ్యారు. 'రిమోట్ వర్కింగ్','వర్క్ ఫ్రం హోమ్' వంటి వాటి వల్ల ప్రజలంతా ఇంటి నుంచే పనిచేస్తున్నారు. నిత్యావసరాల కొనుగోలు, ఫుడ్ డెలివరీ, బ్యాంకింగ్ వంటి సేవల కోసం ఆన్లైన్ బాటపట్టారు ప్రజలు. ఇక వినోదం కోసం వివిధ రకాల యాప్లు, వెబ్సైట్లను ఆశ్రయిస్తున్నారు. భారత్ డేటా వినియోగంలో దూసుకెళ్తోంది. ఇదే అదనుగా భావించిన కొన్ని శత్రుదేశాలు.. ప్రత్యక్షంగా ఏమీ చేయలేక.. దేశంలో సాంకేతిక ఇబ్బందులు సృష్టించాలని ప్రయత్నిస్తున్నాయి.
ఇటీవలె ఆస్ట్రేలియాపై భారీ సైబర్ దాడి చేసి కొవిడ్-19, దేశ భద్రతకు సంబంధించిన సమాచారం దోచుకున్నట్లు ఆ దేశ ప్రధానే స్వయంగా ప్రకటించారు. ఇదే తరహాలో భారత్పైనా దాడికి పాల్పడేందుకు ఉత్తర కొరియాకు చెందిన కొందరు హ్యాకర్లు పన్నాగాలు పన్నుతున్నట్లు సైబర్ నిపుణులు హెచ్చరిస్తున్నారు. ఇలాంటి నేపథ్యంలో ప్రజలు అప్రమత్తంగా ఉండి, అవగాహన, జాగ్రత్తల ద్వారా బాధితులుగా మారకుండా చూసుకోవచ్చని చెప్తున్నారు.
ఇప్పటికే లాజరస్కు చెందిన హ్యాకర్లు.. జపాన్ యూజర్లకు చెందిన 11 లక్షల ఈ-మెయిల్ డేటా, భారత్ నుంచి 20 లక్షల మంది యూజర్ల సమాచారం, లక్షా 80 వేల మంది బ్రిటన్ వినియోగదారుల సమచారం తస్కరించినట్లు ప్రకటించారు. దాన్ని డార్క్ వెబ్లో అమ్మకానికి పెట్టే యోచనలో ఉన్నట్లు వెల్లడించారు. ఈ నేపథ్యంలో ఫిషింగ్ గురించి తెలుసుకోవాల్సిన కొన్ని విషయాలివే..
