Iphone 15 Charging Port : ఐఫోన్ ధర ఆకాశాన్ని అంటుతున్నా దీన్ని కొనేందుకు చాలా మంది ఆసక్తి చూపిస్తున్నారు. ముఖ్యంగా యువతకు ఇదో స్టేటస్ సింబల్గా మారిపోయింది. చేతిలో ఐఫోన్ ఉంటే అదో గొప్ప అన్నట్లు తయారైంది. ఈ ఫోన్లో ఉండే ఫీచర్లతో ఉండే మొబైల్స్ను చౌక ధరకు అందించే ఇతర బ్రాండ్లు ఉన్నప్పటికీ ఎందుకో యాపిల్ ఫోన్లే కావాలంటారు యూజర్లు. ఇకపోతే, ఐఫోన్ 15 సిరీస్ ఫోన్లు కొత్తగా అప్గ్రేడై రానున్నాయి.
నాన్-ప్రో ఐఫోన్స్లో కొత్త చిప్ సెట్, 48 మెగాపిక్సల్ కెమెరాను చేరుస్తున్నారు. అలాగే ప్రో మ్యాక్స్ మోడల్లో కొత్త పెరిస్కోప్ కెమెరాను జత చేస్తున్నారు. వీటన్నింటి కంటే కూడా ఐఫోన్ 15 సిరీస్లో రానున్న కొత్త అప్ గ్రేడ్ ఏంటంటే.. కొత్త ఛార్జింగ్ పోర్ట్. సోషల్ మీడియాలో వస్తున్న లీక్స్ను బట్టి ఐఫోన్ 15 సిరీస్ కొత్త ఫోన్లలో పాత లైట్నింగ్ పోర్ట్ స్థానంలో ఛార్జింగ్ కోసం యూఎస్బీ-సీ పోర్ట్తో రానున్నాయట. ఐఫోన్ 15 సిరీస్లో రానున్న మరిన్ని మార్పులుచేర్పులు ఏంటో ఇప్పుడు తెలుసుకుందాం..
ఐఫోన్ 15 యూఎస్బీ-సీ ఛార్జింగ్ స్పీడ్
కొంత మంది విశ్లేషకులు చెబుతున్న ప్రకారం.. త్వరలో రాబోయే ఐఫోన్ 15, ఐఫోన్ 15 ప్లస్, ఐఫోన్ 15 ప్రో, ప్రోమ్యాక్స్లో యూఎస్బీ-సీ పోర్ట్ ఉంటుందట. ప్రో మోడల్స్ ఫోన్లలో మాత్రమే థండర్ బోల్ట్‌ పోర్ట్ ఉంటుందని యాపిల్ అనలిస్ట్ మింగ్ చి తెలిపారు. దీని వల్ల ఆ మోడల్ ఫోన్లలో వేగవంతమైన డేటా ట్రాన్స్ఫర్కు సౌలభ్యం ఉంటుందని చెప్పారు. 'మేడ్ ఫర్ ఐఫోన్' చొరవలో భాగంగా యాపిల్ మొబైల్స్లో ఫాస్ట్ ఛార్జింగ్ సామర్థ్యాన్ని పెంచుతున్నారు. దీని వల్ల మార్కెట్లో దొరికే చౌక కేబుల్స్తో ఐఫోన్లను ఛార్జింగ్ చేయడం ఇబ్బందికరంగా మారుతుంది. ఒకవేళ ఆ కేబుల్స్తో ఛార్జింగ్ చేసినా డేటా ట్రాన్స్ఫర్ రేట్ చాలా తక్కువగా ఉంటుంది.
యాపిల్ గనుక ఐఫోన్ 15 సిరీస్లో యూఎస్బీ-సీ పోర్ట్ ఫీచర్ను అందుబాటులోకి తీసుకొస్తే అది పెద్ద సంచలనమే అవుతుంది. ఇప్పటివరకు ఆండ్రాయిడ్ ఫోన్లలో ఉన్న యూఎస్ బీ-సీ పోర్ట్ ఫీచర్.. యాపిల్ ఫోన్లలోకి కూడా వచ్చేసినట్లు అవుతుంది. ఇలాంటి ఫీచర్తో వచ్చే తొలి యాపిల్ సిరీస్ మోడల్ మొబైల్గా ఐఫోన్ 15 నిలిచిపోతుంది. అయితే ఇప్పటికే యాపిల్ ఉత్పత్తులైన మ్యాక్ బుక్స్, ఐమ్యాక్స్, ఐపాడ్స్తో పాటు యాపిల్ టీవీకి వాడే సిరి రిమోట్లో యూఎస్బీ-సీ పోర్ట్ను ఇస్తుండటం గమనార్హం.
ఛార్జింగ్ పోర్ట్తో సహా మరిన్ని ఫీచర్లు
కొత్త ఛార్జింగ్ పోర్ట్ను పక్కనబెడితే ఐఫోన్ 15 సిరీస్ మరికొన్ని అధునాతన ఫీచర్లతో రానుంది. ఐఫోన్ 15 ప్రోమ్యాక్స్లో కొత్తగా పెరిస్కోప్ కెమెరా సెన్సార్ను చేరుస్తున్నారు. ప్రోతో పాటు ప్రోమ్యాక్స్లో ఏ17 బయోనిక్ చిప్ సెట్ను జత చేస్తున్నారు. అంతేకాదు.. ఐఫోన్ 15, ఐఫోన్ 15 ప్లస్ మోడల్స్లో ప్రస్తుతం ఉన్న 12 మెగాపిక్సల్ కెమెరా స్థానంలో 48 ఎంపీ కెమెరాను చేరుస్తున్నారని సమాచారం.
