తెలంగాణలోని నిజామాబాద్ జిల్లా కలెక్టరేట్ వద్ద తల్లీకొడుకు పెట్రోల్ పోసుకొని ఆత్మహత్యాయత్నానికి యత్నించారు. ఈ విషయం గమనించిన పోలీసులు వారిని అడ్డుకొని సర్దిచెప్పారు. భూవివాదంలో తమకు న్యాయం జరగకపోవడం వల్లే ఆత్మహత్యాయత్నానికి పాల్పడినట్లు బాధితులు తెలిపారు.
డిచ్పల్లి మండలం యానాంపల్లి గ్రామంలో సర్వే నంబరు 43/17, 43లో గల 3ఎకరాల 20గుంటల భూమిని స్థానిక జడ్పీటీసీ కబ్జా చేశారని ఆరోపించారు. ఈ విషయం అధికారులకు తెలిపినా పట్టించుకోవడం లేదని ఆవేదన వ్యక్తం చేశారు. ఆయన అనుచరులు తమను చంపేస్తామని బెదిరింపులకు పాల్పడుతున్నట్లు తెలిపారు. కలెక్టర్ నారాయణరెడ్డి స్పందించి వెంటనే విచారణ జరిపి న్యాయం చేస్తామని హామీ ఇచ్చారు.
