గుంటూరు నగరంలో ఆటోల్లో చోరీలకు పాల్పడుతున్న మఠాను లాలాపేట పోలీసులు అరెస్టు చేశారు. ఐదుగురు సభ్యుల ముఠాలో ఓ మహిళా కూడా ఉంది. ఈ వివరాలను తూర్పు మండలం డీఎస్పీ సీతారామయ్య వెల్లడించారు. పల్లెపోగు అనిల్, దర్శనపు చరణ్, కొక్కిలిగడ్డ ప్రేంకుమార్, తెనాలి రాయప్ప, పసుపులేటి మేరి ముఠాగా ఏర్పడి చోరీలకు పాల్పడుతున్నారు. వీళ్లలో ఒకరు ఆటో డ్రైవర్గా నటించి ప్రయాణికుల్ని ఎక్కించుకుంటాడు. మిగతా వారు ప్రయాణికుల మాదిరిగా ఆటో ఎక్కి అందులో ఉన్నవారి నుంచి డబ్బులు కాజేస్తారు.
ముఖ్యంగా... గుంటూరు మిర్చి యార్డు, చుట్టుగుంట, పల్నాడు బస్టాండ్ పరిసరాల్లో ఇలా ఆటోలో ఎక్కినవారు డబ్బులు పోగొట్టుకున్నట్లు 8 మంది నుంచి ఫిర్యాదులు వచ్చాయి. ఈ క్రమంలో పోలీసులు ప్రత్యేక నిఘా పెట్టారు. బృందాలుగా ఏర్పడి దర్యాప్తు చేపట్టారు. సీసీ టీవీ దృశ్యాల ఆధారంగా ఆటోను గుర్తించి... ముఠా గుట్టురట్టు చేశారు. నిందితుల నుంచి రూ. 2లక్షలు, ఆటో స్వాధీనం చేసుకున్నట్లు డీఎస్పీ సీతారామయ్య వివరించారు.
ఇదీ చదవండి:
