తాలిబన్లు.. ఉగ్రవాద సంస్థలకు చెందినవారు కాదని పాకిస్థాన్ ప్రధానమంత్రి ఇమ్రాన్ ఖాన్ పేర్కొన్నారు. వారు కూడా సాధారణ పౌరులేనని చెప్పారు. 30 లక్షల మంది అఫ్గాన్ శరణార్థులు సరిహద్దులో ఉన్న నేపథ్యంలో తాలిబన్లను తాము ఎలా మట్టుబెట్టగలమని ఆయన వ్యాఖ్యానించారు. ఈ మేరకు మంగళవారం రాత్రి ఓ మీడియాకు ఇచ్చిన ఇంటర్వ్యూలో పేర్కొన్నారు. శరణార్థుల్లో చాలా మంది తాలిబన్ల సమూహానికి చెందిన పాస్థూన్లేనని ఇమ్రాన్ ఖాన్ పేర్కొన్నారు. వారందరికీ తాము ఆశ్రయం కల్పిస్తున్నట్లు చెప్పారు.
"ఇప్పుడు అక్కడ శరణార్థ శిబిరాల్లో 10లక్షల మంది ఉన్నారు. తాలిబన్లేమీ ఉగ్రవాద సంస్థలకు చెందినవారు కాదు. వాళ్లు సాధారణ పౌరులే. ఈ శిబిరాల్లో ఉన్నది పౌరులే అయితే... వారిని పాకిస్థాన్ ఎలా అంతమొందించగలదు? అలాంటప్పడు వాటిని శరణార్థ శిబిరాలు అని ఎలా పిలవగలం?"
-ఇమ్రాన్ ఖాన్, పాకిస్థాన్ ప్రధాని.
తాలిబన్లకు ఆయుధపరంగా, ఆర్థికంగా పాక్ సాయం చేస్తుందన్న వార్తలను ఇమ్రాన్ ఖాన్ ఖండించారు. అవన్నీ పూర్తి అవాస్తవాలని చెప్పారు. "తాలిబన్ సమూహానికే చెందిన మూడు లక్షల మంది పాకిస్థాన్లో శరణార్థులుగా ఉన్నారు. అలాంటప్పుడు తాలిబన్లకు పాకిస్థాన్ స్వర్గధామం అనడానికి ఆస్కారమేది?" అని ఆయన ప్రశ్నించారు.
2001, సెప్టెంబర్ 11న అమెరికా న్యూయార్క్లో జరిగిన దాడికి, పాకిస్థాన్కు ఏ సంబంధమూ లేదని ఇమ్రాన్ ఖాన్ స్పష్టం చేశారు. ఆ ఘటన అనంతరం.. అఫ్గాన్పై అమెరికా జరిపిన యుద్ధం కారణంగా వేలాది మంది పాకిస్థానీయులు తమ ప్రాణాలు కోల్పోయారని తెలిపారు.
ఇవీ చూడండి:
