భారత్‌లో కరోనా రెండో దశలో విలయం సృష్టించిన డెల్టా వేరియంట్.. ప్రస్తుతం ప్రపంచ దేశాలను వణికిస్తోంది. అమెరికాలో తాజాగా 61,581 కేసులు బయటపడ్డాయి. వైరస్ బారిన పడి మరో 339 మంది ప్రాణాలు కోల్పోయారు. ఇండోనేసియాలోనూ కేసులు ఒక్కసారిగా పెరిగాయి. కొత్తగా 45,203 మందికి వైరస్ నిర్ధరణ అయింది. మహమ్మారి కారణంగా మరో 2,069 మంది మరణించారు.
ఇరాన్లో విజృంభణ..
కరోనా డెల్టా వేరియంట్ ఇరాన్‌పై విరుచుకుపడుతోంది. కొత్తగా రికార్డు స్థాయిలో 34,951 కేసులు, 357 మరణాలు నమోదయ్యాయి. డెల్టా వైరస్ వ్యాప్తి తీవ్రతను గుర్తించిన ఇరాన్ ప్రభుత్వం గత వారం జన సంచారంపై ఆంక్షలు విధించింది. కార్యాలయాలు, నిత్యావసరం కాని వ్యాపారాలు మూసివేయాలని ఆదేశించింది.
దక్షిణ కొరియాలోనూ.. రికార్డు స్థాయిలో ఒక్కరోజే 1,896 కేసులు నమోదయ్యాయి.
వైద్య నిపుణుల్లో ఆందోళన
అయితే ఆంక్షల విషయంలో కఠినంగా వ్యవహరించకుండా ప్రజల విచక్షణకే వదిలేయటం వల్ల.. టెహ్రాన్‌లో జనసమ్మర్దం మునుపటిలాగే కొనసాగుతోంది. షాపింగ్‌ మాల్స్‌, మార్కెట్లు, మెట్రో స్టేషన్లు జనంతో కిటకిటలాడుతున్నాయి. ఈ పరిస్థితిపై వైద్య నిపుణుల్లో ఆందోళన వ్యక్తమవుతోంది. శ్వాస సమస్యలతో వస్తున్న వారితో ఆస్పత్రులన్నీ నిండిపోయాయి. ఇదే పరిస్థితి కొనసాగితే కొన్ని రోజుల్లోనే పరిస్థితి చేయి దాటిపోతుందని వారు హెచ్చరిస్తున్నారు.
వివిధ దేశాల్లో నమోదైన కొత్త కేసులు..
- అమెరికా-- 61,581
- ఇండోనేసియా-- 45,203
- బ్రెజిల్-- 41,411
- ఇరాన్-- 34,951
- స్పెయిన్-- 26,399
ఇవీ చదవండి: Covishield Vaccine: 'కొవిషీల్డ్ టీకాతో 93 శాతం రక్షణ'
