భారత్ నుంచి విమానాల రాకపోకలపై విధించిన ఆంక్షలకు సంబంధించి కెనడా ప్రభుత్వం కీలక ప్రకటన చేసింది. విమానాలపై నిషేధాన్ని పొడిగిస్తున్నట్లు వెల్లడించింది. కరోనా వ్యాప్తి ఇంకా కొనసాగుతుండటం వల్ల ఈ నిర్ణయం తీసుకున్నట్లు వెల్లడించింది. ఆగస్టు 21 వరకు ఈ నిషేదం కొనసాగుతుందని స్పష్టం చేసింది.
భారత్ నుంచి నేరుగా కెనడాకు రావడానికి అక్కడి ప్రభుత్వం అనుమతి నిరాకరించినా.. మరో దేశం మీదుగా తమ దేశాన్ని చేరుకోవచ్చని స్పష్టం చేసింది. భారత్లో చేయించుకున్న కొవిడ్ టెస్ట్ను తాము పరిగణించమని పేర్కొంది. తమ దేశానికి రావాలంటే ఇతర దేశాల్లో పరీక్షలు చేయించుకోవాల్సి ఉంటుందని చెప్పింది.
సడలించిన అమెరికా..
మరోవైపు భారత్కు ప్రయాణ రాకపోకలపై విధించిన ఆంక్షలను అగ్రరాజ్యం సడలించింది. ఇదివరకు విధించిన లెవల్ 4 ఆంక్షలను లెవల్ 3కు సడలిస్తున్నట్లు ప్రకటించింది. ఈ ఆంక్షల ప్రకారం.. భారత్కు రాకపోకలపై ప్రయాణికులు పునరాలోచన చేసుకోవాలని ప్రభుత్వం సూచిస్తోంది.
ఇదీ చదవండి : 'ఎడారి' నుంచి అంతరిక్షంలోకి శ్రీమంతుడు
