సెన్సేషనల్ స్టార్, రౌడీ హీరో విజయ్ దేవరకొండ-హీరోయిన్ సమంత రూత్ ప్రభు కాంబినేషన్లో రూపొందుతున్న సినిమా 'ఖుషి'. వీరిద్దరి కాంబోలో వస్తున్న తొలి సినిమా ఇది. 'నిన్ను కోరి', 'మజిలీ' ఫేం దర్శకుడు శివ నిర్వాణ.. ఈ చిత్రాన్ని డైరెక్ట్ చేస్తున్నారు. మైత్రీ మూవీ మేకర్స్ బ్యానర్పై నవీన్ యేర్నేని, రవిశంకర్ యలమంచిలి నిర్మిస్తున్నారు. అయితే ఈ సినిమా అప్డేట్ కోసం ఎంతో ఆసక్తిగా ఎదురుచూస్తున్న అభిమానుల కోసం అదిరిపోయే సర్ప్రైజ్ ఇచ్చింది మూవీటీమ్. ఈ చిత్రాన్ని సెప్టెంబరు 1న రిలీజ్ చేయనున్నట్లు వెల్లడించింది. తెలుగు, కన్నడ, తమిళ, మలయాళ భాషల్లో పాన్ ఇండియా స్థాయిలో చిత్రాన్ని రిలీజ్ చేయనుట్లు పేర్కొంది. ఓ కొత్త పోస్టర్ను రిలీజ్ చేసింది. ఏంతో కూల్గా ఉన్న ఈ పోస్టర్లో విజయ్ దేవరకొండ ఆఫీస్‌కు వెళ్తూ.. టెర్రస్‌పై పెట్‌ను ఎత్తుకొని ఉన్న సమంతకు బై చెప్తున్న స్టిల్ను పోస్ట్ చేసింది. ఇది అభిమానులను, నెటిజన్లను బాగా ఆకట్టుకుంటోంది. సినిమాపై మంచి క్యూరియాసిటీని పెంచుతోంది.
'అర్జున్ రెడ్డి', 'గీత గోవిందం'.. ముఖ్యంగా 'డియర్ కామ్రెడ్' చిత్రాలతో విజయ్ దేవరకొండ.. నార్త్ ఆడియన్స్‌లో మంచి క్రేజ్ను దక్కించుకున్నారు. కానీ ఆ తర్వాత ఆయన నటించిన 'లైగర్'.. పాన్ ఇండియా స్థాయిలో రిలీజ్ అయినప్పటికీ డిజాస్టర్గా నిలిచింది. కానీ రౌడీహీరోకు మాత్రం మరింత క్రేజ్ను తెచ్చిపెట్టింది. అలాగే 'ది ఫ్యామిలీ మ్యాన్' వెబ్ సిరీస్ రెండో సీజన్తో నార్త్ ఆడియెన్స్కు దగ్గరయ్యారు. ఆ తర్వాత పుష్ప ఊ అంటావా సాంగ్, సహా 'యశోద' సక్సెస్తో బాలీవుడ్లో ఫుల్ క్రేజ్ను సంపాదించుకున్నారు. దీంతో వీరిద్దరూ కలిసి నటిస్తున్న సినిమా అవ్వడం వల్ల ఇండియా వైడ్గా 'ఖుషి' సినిమాకు మంచి క్రేజ్ నెలకొంది.
ఇకపోతే.. మయో సైటిస్తో బాధపడుతున్న సమంత.. ఆ మధ్యలో షూటింగ్లకు కాస్త చిన్న బ్రేక్ ఇచ్చి.. ఇప్పుడు మళ్లీ చికిత్స తీసుకుంటూనే చిత్రీకరణలలో పాల్గొంటుంతోంది. ప్రస్తుతం 'ఖుషి' మూవీ చిత్రీకరణ హైదరాబాద్లోనే జరుగుతోంది. కశ్మీర్ నేపథ్యంలో ఈ చిత్రాన్ని రూపొందిస్తున్నారు. ఇంకా ఈ లవ్స్టోరీ సినిమాలో ఫైట్స్ కూడా ఉన్నాయట. స్టంట్ కొరియోగ్రాఫర్ పీటర్ హెయిన్ ఆధ్వర్యంలో వీటిని చిత్రీకరిస్తున్నారు. మాలీవుడ్ మ్యూజిక్ సెన్సేషన్, యంగ్ మ్యూజిక్ డైరెక్టర్ హేషామ్ అబ్దుల్ వాహాబ్ స్వరాలు సమకూరుస్తున్నారు. ఇంకా ఈ మూవీలో మరాఠీ నటుడు సచిన్ ఖేడేకర్, జయరామ్, మురళీ శర్మ, అలీ, లక్ష్మీ, రోహిణి, రాహుల్ రామకృష్ణ, వెన్నెల కిశోర్, శరణ్య ప్రదీప్ శ్రీకాంత్ అయ్యంగార్ తదితరులు నటిస్తున్నారు.
ఇదీ చూడండి: సామ్ 'శాకుంతలం' కోసం అంత బంగారం వాడారా.. వామ్మో ఎన్ని కోట్లో?
