కన్నడ పవర్ స్టార్ పునీత్ రాజ్కుమార్ ఆఖరి చిత్రం 'గంధాడగుడి' ముందస్తు వేడుకను ఘనంగా నిర్వహించనున్నారు. దీని కోసం పునీత్ భార్య అశ్విని భారీగా ఏర్పాట్లు చేస్తోంది. అందుకోసం ఇన్విటేషన్ కార్డును ప్రత్యేకంగా రూపొందించారు.
అయితే ఇది పేరుకే ఇన్విటేషన్ కార్డు. కానీ ఇది ఒక చెక్కపెట్టెలా ఉంది. అందులో పునీత్ రాజ్కుమార్ విగ్రహం ఉంది. ఆ విగ్రహం కింద్ పునీత్ స్వహస్తాలతో చేసిని సంతకం గంధపు చెక్కపై ఉంది. ఆ పెట్టె మూతపై ఆయన ఆఖరి చిత్రం 'గంధాడగుడి' పేరు ఉంది. దాని కింద్ పునీత్ సంతకం ఉంది.
ఈ వేడుకకు అన్ని భాషల ప్రముఖ నటీనటులు హాజరు కానున్నారు. బాలీవుడ్ దిగ్గజ నటుడు అమితాబ్ బచ్చన్, తెలుగు మెగాస్టార్ చిరంజీవి, సూపర్ స్టార్ రజినీకాంత్ రానున్నారు. వీరితో పాటు అక్కినేని నాగార్జున, అల్లు అర్జున్, రానా దగ్గుబాటి, బాలయ్య, తమిల్ నటుడు విశాల్, శివరాజ్ కుమార్, యశ్, ఉపేంద్ర, ధ్రువ్ సర్జా, సుమలత అంబరీశ్, రక్షిత్ శెట్టి, పాల్గొనున్నారు. నటులే కాకుండా ప్రముఖ దర్శకులు, నిర్మాతలు, టెక్నీషియన్స్ కూడా హాజరు కానున్నారు.
కర్ణాటకలోని అటవీ సంపద, వైల్డ్ లైఫ్ను గంధడగుడిలో చిత్రీకరించారు. వైల్డ్ లైఫ్ఫోటోగ్రాఫర్ అమోఘ వర్ష సహకారంతో ఈ చిత్రాన్ని తెరకెక్కించారు
ఇవీ చదవండి: 'హరి హర వీరమల్లు' నుంచి మరో అప్డేట్.. ఫైటర్ ఫోజులో పవన్ కల్యాణ్
'జిన్నా' నుంచి 'జారు మిఠాయా' సాంగ్... సన్నీ లియోనీ స్టెప్పులు అదుర్స్..
